________________
६८८
पाहावागरणाई
गुरुजणेणं, उपविद्वे संपमज्जिऊण ससोसं कायं तहा करतःलं, अमुच्छिर अगिद्धे अगढिए अगरहिए अणज्झोववणे अणाइले अलुद्धे अणत्तट्टिते असुरसुरं अचवचवं अद्यमविल बियं' अपरिमाडि आलोयभायण जयं पयत्तेणं ववगयसंजोगमणिगालं च विगयधूम अक्खोवंजण-वणाणु नेवणभूयं संजमजायामायानिमित्तं संजयभारवहणट्टयाए भुजेज्जा पाणधारण?याए संजए णं समियं । एवं आहारसमितिजोगणं भाविग्रो भवति अतरप्पा, असबलमसंकिलिटु
निव्वण-चरित्तभावणाए अहिंसए संजए सुसाहू ।। २१. पंचमगं -पीढ-फलग-सिज्जा-संथारग-वत्थ-पत्त-कंबल-दंडग-रयहरण-चोलपटूग
मुहपोत्तिग-पायपुंछणादी। एयंपि संजमस्स उवबूहणट्ठयाए वातातव-दंसमसगसोय-परि रक्खणट्ठयाए उवगरण रागदोसरहियं परिहरितव्वं संजतेण णिच्चं पडिलेहण-पप्फोडण-पमज्जणाए अहो य राम्रो य अप्पमत्तेण होइ समयं निक्खिवियव्वं च गिण्हियव्वं च भायण-भंडोवहि-उवगरण । एवं आयाणभंडनिक्खेवणासमितिजोगण भावियो भवति अतरप्पा, असबलमसं
किलिट्ठ-निव्वण-चरित्तभावणाए अहिंसए संजते सुसाहू ।। निगमण-पद २२. एवमिणं संवरस्स दारं सम्म संवरियं होति सुप्पणिहियं इमेहि पंचहि वि
कारणेहिं मण-वयण-काय-परिरक्खएहि । २३. णिच्चं आमरणंतं च एस जोगो णेयव्वो धितिमया मतिमया प्रणासवो अकलुसो
अच्छिद्दो अपरिसावी असंकिलिट्ठो सुद्धो सव्वजिणमणुण्णातो !! २४. एवं पढमं संवरदारं फासियं पालियं सोयिं तीरियं किट्टियं पाराहियं आणाते
अणुपालियं भवति । २५. एवं नायमुणिणा भगवया पण्णवियं परूवियं पसिद्धं सिद्धं सिद्धवरसासणमिणं आधवित सुदेसितं पसत्थं । पढम संवरदारं समत्तं ।
—त्ति बेमि॥
१ अदुय° (च)। २. मायनिमित्तं (क, ख, ग, घ)। ३. ° रक्खणट्टयाए (क):
४. उवगहणट्टयाए (क, ख, च)। ५. संजमेणं (ग)।
Jain Education International
For Private & Personal Use Only
www.jainelibrary.org
