________________
६७२
पण्हावागरणाई
विसद'-गंधुद्धयाभिरामाहि चिल्लिकाहि उभयोपासंपि चामराहि उक्खिप्प. माणाहिं सुहसीतलवातवीतियंगा। अजिता अजितरहा हल-मुसल कणगपाणी संख-चक्क-गय-सत्ति-णंदगधरा पवरुज्जलसुकय-विमलकोत्थुभ-तिरीडधारी कुंडल उज्जोवियाणणा पुंडरीयणयणा एगावलीकंठरइयवच्छा सिरिवच्छसुलंछणा वरजसा सव्वोउय-सुरभिकुसुम-सुरइयपलं ब-सोहंत-वियसंत-चित्तवणमालरइयवच्छा, अटुसयविभत्तलक्खण-पसत्थसुंदरविराइयंगमंगा मत्तगयरिंद-ललियविक्कम-विलसियगती कडिसुत्तगनील-पीत-कोसेज्जवाससा पवरदित्ततेया सारयनवणिय-महरगंभीरनिद्धघोसा नरसीहा सीहविक्कमगई अत्थमिय-पवररायसीहा सोमा वारवइपुण्णचंदा' पुव्वकडतवप्पभावा' निविट्ठसंचियसुहा' अणेगवाससयमायुवंतो भज्जाहि य जणवयप्पहाणाहिं लालियंता अतुलसद्द-फरिस-रस-रूव-गधे
अणुभवेत्ता ते वि उवणमंति मरणधम्म, अवितित्ता कामाणं ।। मंडलिय-नरवरेंदस्स प्रबंभ-पदं ६. भुज्जो मंडलिय-नरवरदा सबला सतेउरा सपरिसा सपुरोहिय-अमच्च
दंडनायक-सेणावति-मंतनीतिकुसला नाणामणिरयण-विपुलधण-धन्न-संचयनिही समिद्धकोसा रज्जसिरि विपुलमणुभवित्ता विक्कोसंता बलेण मत्ता ते वि
उवणमंति मरणधम्म, अवितित्ता कामाणं ।। जुगलियाणं लावण्णनिरूवणपुरस्सरं प्रबंभ-पदं ७. भज्जो उत्तरकुरु-देवकुरु-वणविवर-पायचारिणो नरगणा भोगुत्तमा भोगलक्षण
धरा भोगसस्सिरीया पसत्थसोम्मपडिपुण्णरूवदरिसणिज्जा' सुजात-सव्वंगसंदरंगा रत्तुप्पलपत्तकंत-कर-चरण-कोमलतला सुपइट्ठिय-कुम्मचारुचलणा अणपुव्वसुसंयंगुलीया" उन्नततणुतंबनिद्धनक्खा संठियसुसिलिट्ठगूढगोंफा एणी-कूविद-वत्त-वट्टाणुपुत्वजंघा समुग्ग-निसग्गगूढजाणू" वरवारणमत्त-तुल्लविक्कम-विलासितगती वरतुरग-सुजायगुज्झदेसा पाइण्णह्यब्व
१. विसय (क, घ, च)। २. चिल्लकाहिं (क, ग)। ३. चकक० (ख, ग)। ४. गोथभ (क, घ, च)। ५. अत्यमिया (क, ख, ग, घ, च, वृ); अत्यमिय
(वृपा)। ६. पुण्णयंदा (क, ख, घ)।
७. पुव्वक्रय ° (ग, च)। ८. निविड़ (ग)। 8. ° सोम ० (ख, ग, घ, च)। १०. ° सुमायं ० (क); आणुपुव्वीसुजायपीवरंगु
लीया (वृपा) । ११. निमुग्ग ° (वृषा)।
Jain Education International
For Private & Personal Use Only
www.jainelibrary.org
