________________
दसम अज्झयणं (पंचमं संवरदार)
गामे-गामे एगराय, नगरे-नगरे य पंचरायं दूइज्जते य, जितिदिए जितपरीसहे निब्भए' विऊ सच्चित्ताचित्तमीसकेहि दवेहि विरायं गते, संचयतो विरए, मुत्ते लहुके निरवकखे जीवियमरणासविप्पमुक्के, निस्संधि निव्वणं चरित्तं
धीरे कारण फासयंते, सततं अज्झप्पझाणजुत्ते निहुए एगे चरेज्ज धम्म ।। १२. इमं च परिग्गहबेरमण-परिरक्खणट्ठयाए पावयणं भगवया सुकहियं अत्तहियं
पेच्चाभाविकं पागमेसिभ सुद्धं नेयाउयं अकुडिलं अणुत्तरं सव्वदुक्खपावाण
विप्रोसमणं॥ अपरिग्गहस्स पंचभावणा-पदं १३. तस्स इमा पंचभावणाओ चरिमस्स वयस्स होंति परिग्गहवे रमण-रक्खणट्टयाए । १४. पढम--सोइंदिएण सोच्चा सद्दाई मणुण्ण-भद्दगाई, किं ते ? ----
वरमुरय-मुइंग-पणव-दद्र-कच्छभि- वीणा-विपंची - वल्लयि-वद्धीसक-सुघोसनंदि-सूस रपरिवादिणी-वंस- तूणक-पच्चक-तंती - तल-ताल-तुडियनिग्घोस-गीयवाइयाई, नडनट्टक-जल्ल-मल्ल-मुट्ठिक-वेलंबक-कहक-पवक-लासग-प्राइक्खकलख-मख-तुणइल्ल-तुंबवीणिय-तालायर-पकरणाणि य, वहणि महरसर-गीतसुस्सराई, कंची-मेहला- कलाव - पतरक- पहेरक-पायजालग-घंटिय-खिखिणिर यणोरुजालय-छुद्दिय - नेउरचलणमालिय - कणनियल- जालग-भूसणसद्दाणि, लीलचंकम्ममाणाणुदीरियाई, तरुणीजणहसिय · भणिय-कलाभित-मंजुलाई, गुणवयणाणि य वहाण महरजणभासियाइ, अण्णसू य एवमादिएसू सहस मणुण्ण-भद्दएसु न तेसु समणेण सज्जियव्वं न रज्जियव्वं न गिझियव्व न मुझियव्वं न विणिग्घायं प्रावज्जियव्वं न लुभियध्वं न तुसियव्वं न हसियव्वं न सइंच मइं च तत्थ कुज्जा । पुणरवि सोइंदिएण सोच्चा सहाई अमणुण्ण-पावकाई, कि ते?अक्कोस-फरुस - खिसण- अवमाणण - तज्जण - निब्भंछण - दित्तवयण-तासणउक्कूजिय-रुण्ण-रडिय - कंदिय - निग्धुटरसिय-कलुणविलवियाई, अण्णेसु य एवमादिएसु सद्देसु अमणुण्ण-पावएसु न तेसु समणेण रूसियव्वं न हीलियव्वं न निदियव्वं न खिसियव्वं न छिदियव्वं न भिदियव्वं न वहेयव्वं न दुगुंछावत्तिया व लब्भा उप्पाएउं । एवं सोतिं दियभावणाभावितो भवति अंतरप्पा, मणुण्णाऽमणुण्ण-सुब्भि-दुन्भिरागदोस-पणिहियप्पा साहू मण-वयण-कायगुत्ते संवुडे पणिहितिदिए चरेज्ज धम्म।
१. निन्भओ (ग)। २. विउसे (च); विसुद्ध (वृपा)। ३. निहुते (क); निहुके (ख, घ, च)।
४. मेहल (क, ग, घ, च)। ५. करुण° (क)।
Jain Education International
For Private & Personal Use Only
www.jainelibrary.org
