________________
पढमं अज्झणं (आनंदे)
४१५
६६. तेणं कालेणं तेणं समएणं समणस्स भगवओ महावीरस्स जेट्टे' अंतेवासी इंदभूई नाम अणगारे गोयमसगोत्ते णं सत्तुस्सेहे समचउरंससंठाणसंठिए वज्जरिसहनारायसंघपणे कणगलगनिधसम्हगोरे उग्गतवे दित्ततवे तत्ततवे महातवे ओराले घोरे घोरगुणे घोरतवस्सी घोरबंभचेरवासी उच्छूढसरीरे संखित्तविउलतेयस्से छछद्वेगं प्रणिक्खित्तेणं तवोकम्मेणं संजमेणं तवसा अप्पाण भावेमाणे विहरs ||
७०. तए णं से भगवं गोयमे छट्ठक्खमणपारणगंसि पढमाए पोरिसीए सज्झायं करेइ, बिइयाए पोरिसीए झाणं झियाइ, तझ्याए पोरिसीए अतुरियमचवलमसंभंते मुहपोत्तियं पडिलेइ, पडिलेहेत्ता भायणवत्थाई, पडिलेहेइ पडिलेहेत्ता भायपाई पमज्जइ, पमज्जित्ता भायणाई उम्गाहेइ, उग्गाहेत्ता जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं वंदइ णमंसइ, वंदित्ता णमंसित्ता एवं वयासी - इच्छामि णं भंते! तुभेहिं अब्भणुष्णाए [ समाणे ? ] छट्ठक्खमणपारणगंसि वाणियगामे नयरे उच्च-नीच मज्झिमाई कुलाई घरसमुदाणस्स भिक्खायरियाए अडित्तए । अहासुंह देवाणुप्पिया ! मा पडिबंधं करेह |
७१. तए ण भगवं गोयमे समणेणं भगवया महावीरेण अव्भणुण्णाए समाणे समणस्स भगवो महावीरस्स प्रतियाश्रो दुइपलासाग्रो चेइयाम्रो पडिणिक्खमइ, पडिणिक्खमित्ता प्रतुरियमचवलमसंभते जुगंतरपलोयणाएं दिट्ठीए पुरोरियं सोहेमाणे- सोहेमाणे जेणेव वाणियगामे नयरे, तेणेव उवागच्छङ, उवागच्छित्ता वाणियगामे नयरे उच्च-नीय-मज्झिमाई कुलाई घरसमुदाणस्स भिक्खायरिय
अडड़ ||
७२. तए णं से भगवं गोयमे वाणियगामे नयरे उच्च-नीय-मज्झिमाई कुलाई घरसमुदाणस्स भिक्खायरियाए अडमाणे ग्रहापज्जत्तं भत्तपाणं पडिग्गाहेइ, डिग्गाहेत्ता वाणियगामा नयराम्रो पडिणिग्गच्छर, पडिणिग्गच्छित्ता कोल्लायस्स सण्णिवेसस्स दूरसामंतेणं वीईवयमाणे बहुजणसद्दं निसामेइ | बहुजणो णमण्णस्स एवमाइक्खइ, एवं भासइ, एवं पण्णवेइ, एवं परुवेइएवं खलु देवाणुप्पिया ! समणस्स भगवप्रो महावीरस्स अंतेवासी प्राणंदे नाम समणोवासए पोसहसालाए अपच्छिम मारणंतिय-संलेहणा- भूसणा-भूसिए, भत्तपापडिया क्खिए कालं प्रणवकखमाणे विहरइ ॥
१. जेट्टे जहा पण्णत्तीए तहा भिखारियाए
जाव अडमाणे (क, ग)
२. भायणवत्थाई (क्व ) ।
Jain Education International
३. इरिय (क्व ) ।
४. सं० पा० - अपच्छिम जाव अणवकखमाणे ।
For Private & Personal Use Only
www.jainelibrary.org
