Page Text
________________
४१२
उवासगदसाओ
'कोल्लाए सण्णिवेसे' नायकुलसि पोसहसालं पडिलेहित्ता, समणस्स भगवनो महावीरस्स अंतियं धम्मपण्णत्ति उवसंपज्जित्ता णं विहरित्तए–एवं संपेहेइ, संपेहेत्ता कल्लं' •पाउप्पभायाए रयणीए जाव' उट्ठियम्मि सुरे सहस्सरस्सिम्मि दिणयरे तेयसा जलते ° विपुलं असण-पाण-खाइम-साइम उवक्खडावेद, उवक्खडावेत्ता मित्त-नाइ-नियग-सयण-संबंधि-परिजणं आमतेइ, ग्रामतेत्ता ततो पच्छा हाए कयलिकम्मे कयकोउय-मंगल-पायच्छित्ते सुद्धप्पावेसाई मंगल्लाई वत्थाई पवर परिहिए अप्पमहग्याभरणालं कियसरीरे भोयणवेलाए भोयणमंडवंसि सुहासणवरगए, तेणं मित्त-नाइ-नियग-सयण-संबंधि-परिजणेणं सद्धि तं विपुलं असण-पाण-खाइम-साइमं प्रासादेमाणे विसादेमाणे परिभाएमाणे परि जेमाणे विहरइ । जिमियभुत्तुत्तरागए णं आयंते चोक्खे परमसुइन्भूए, तं मित्त - नाइ-नियग-सयण-संबंधि-परिजणं विपुलेणं असण-पाण-खाइमसाइमेणं वत्थ-गंधमल्लालंकारेण य सक्कारेइ सम्माणे इ, तस्सेव मित्त-नाइनियग-सयण-संबंधि-परिजणस्स' पुरो जेट्टपुत्तं सद्दावेइ, सद्दावेत्ता एवं वयासी एवं खलु पत्ता ! अहं वाणियगामे नयरे बहूणं' 'जाव' प्रापुच्छणिज्जे पडिपच्छणिज्जे, सयस्स विय ण कुडबस्स मेढी जाव सव्वकज्जवडावए, त एतेणं ववखेवेणं अहं नो संचाएमि समणस्स भगवनो महावीरस्स अंतियं धम्मपण्णत्ति उवसंपज्जित्ता णं० विहरित्तए । तं सेयं खलु मम इदाणि तुम सयस्स कुडुबस्स मेढि पमाणं आहारं पालवणं चक्खं ठावेत्ता', 'तं मित्त-नाइ-नियगसयण-संबंधि-परिजणं तुमं च आपुच्छित्ता कोल्लाए सणिवेसे नायकुलसि पोसहसालं पडिले हित्ता समणस्स भगवनो महावीरस्स अंतियं धम्मपण्णत्ति
उवसंपज्जित्ता णं° विहरित्तए॥ ५८. तए णं [से ? ] जेट्टपुत्ते आणंदस्स समणोवासगस्स तह त्ति एयभट्ट विणएणं
पडिसुणेति । ५६. तए णं से आणंदे समणोवासए तस्सेव मित्त-नाइ-नियम-सयण-संबंधि
परिजणस्स° पुरनो जेट्टपुत्तं कुडुंबे" ठावेति, ठावेत्ता एवं वयासी-मा णं
१. कोल्लागसगिण ° (ग)।
पुरओ। २. नातकुलसि (ग)।
६. सं० पा०-बहूण राईसर जहा चितियं जाव ३. स० पा०-कलं विउलं असणं। कल्लं विहरित्तए ।
विउलं तहेव जिमियभुत्तुत्तरागए (क, ख)। ७,८. उवा० १।१३ । ४. सं० पा० - हाए जाव अप्पमहग्या । ६. सं० पा०--ठावेत्ता जाव विहरित्तए । ५. सं० पा०-तं मित्त जाव विउलेणं पूप्फ ५ १०. सं० पा० - मित्त जाव पूरओ।
सक्कारेइ सम्भाणेइ, २त्ता तस्सेव मित्त जाब ११. कुटुंबे (ग); कुडंबे (घ) ।
Jain Education International
For Private & Personal Use Only
www.jainelibrary.org
| SR No. | 003563 |
| Book Title | Agam 07 Ang 07 Upashak Dashang Sutra Uvasagdasao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 242 |
| Language | Prakrit |
| Classification | Book_Devnagari, Agam, Canon, & agam_upasakdasha |
| File Size | 4 MB |