________________
नवमं अज्झयणं (नंदिणीपिया)
५३१ नंदणीपियस्स अणसण-पदं २४. तए णं तस्स नंदिणी पियस्स समणोवासगस्स अण्णदा कदाइ पुश्वरत्ताव रत्तकाल
समयसि धम्मजागरियं जागरमाणस्स अयं अज्झथिए चितिए पत्थिए भगोगए संकप्पे समुप्पज्जित्था-एवं खलु अहं इमेणं एयारूवेणं अोरालेणं विउलेणं पयत्तेणं परगहिएणं तवोकम्मेणं सुक्के लुक्खे निम्मंसे अढि चम्मावणद्धे किडिकिडियाभूए किसे धमणिसंतए जाए। तं अस्थि ता मे उहाणे कम्मे बले वीरिए पूरिसक्कार-परक्कमे सद्धा-धिइ-संवेगे, तंजावता मे अत्थि उदाणे कम्मे बले वारिए पुरिसक्कार-परक्कमे सद्धा-धिइ-संवेगे, जाव य मे धम्मायरिए धम्मोवएसए समणे भगवं महावीरे जिणे सुहत्थो विहरइ, तावता मे सेयं कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते अपच्छिममारणतियसलेहणा-झूसणा-झूसियस्स भत्तपाण-पडियाइक्खियस्स, कालं अणवखमाणस्स विहरितए-एवं संपेहेइ, संपेहेत्ता कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तेयसा जलते अपच्छिममारणंतियसलेहणा-झूसणा-झूसिए भत्तपाण-पडियाइक्खिए कालं अणवकंखमाणे
विहरइ ।। नंदणोपियस्त समाहिमरण-पदं २५. तए णं से नंदिणोपिया समणोवासए वहहिं सील-व्वय-गुण-वेरमण-पच्चक्खाण
पोसहोववासेहि अप्पाणं भावेत्ता, वीसं वासाइं समणोवासगपरियायं पाउणित्ता, एक्कारस य उवासगपडिमाओ सम्म काएण फासित्ता, मासियाए संलेहणाए अत्ताणं झूसित्ता, सर्द्धि भत्ताइं अणसणाए छेदेत्ता, पालोइय-पडिक्कते समाहिपत्ते कालमासे कालं किच्चा सोहम्मे कप्पे अरुणगवे विमाणे देवत्ताए उववणे । तत्थ णं अत्थेगइयाणं देवाणं चत्तारि पलिअोवमाइं ठिई पण्णत्ता। नंदिणीपि
यस्स वि देवस्स चत्तारि पलिग्रोवमाइं ठिई पण्णत्ता॥ २६. से णं भंते ! नंदिणोपिया तारो देवलोगाप्रो आउक्खएणं भवक्खएणं ठिइक्ख
एणं प्रणतरं चयं चइता कहिं गमिहिइ ? कहिं उववज्जिहिइ ? गोयमा ! • महाविदेहे वासे सिज्झिहिइ बुज्झिहिइ मुच्चिहिइ सव्वदुक्खाणमंतं
काहिइ ॥ निक्खेव-पदं २७. "एवं खलु जंबू ! समजेणं भगवया महावीरेणं उवासगदसाणं नवमस्स अज्झय
णस्स अयमढे पण्णत्ते ° ॥
१. उवा० ११५७ ।
२. सं० पा०--निक्खेवो ।
Jain Education International
For Private & Personal Use Only
www.jainelibrary.org