Page Text
________________
मायाधम्मकहानो किन्नर-रुरु-सरभ-चमर-कंजर-वणलय-पउमलय-भत्तिचित्तं सखचियवरकणगपवरपेरंतदेसभागं अभितरियं जवणियं अंछावेइ, अंछावेत्ता अत्थरग-मउग्रमसूरग-उत्थइयं धवलवत्थ-पच्चुत्थुयं विसिट्ठअंगसुहफासयं सुमउयं धारिणीए देवीए भद्दासणं रयावेइ, रयावेत्ता कोडुबियपुरिसे सद्दावेइ, सद्दावेत्ता एवं वयासी --- खिप्पामेव भो देवाणुप्पिया ! अटुंगमहानिमित्त सुत्तत्थपाढए' विविहसत्थकुसले
सुमिणपाढए सद्दावेह, सद्दावेत्ता एयमाणतियं खिप्पामेव पच्चप्पिणह ।। २६. तए णं ते कोडेवियपुरिसा सेणिएणं रण्णा एवं वुत्ता समाणा हट्टतुटु-चित्तमाणंदिया
जाव' हरिसवस-विसप्पमाणयिया करयल-परिग्गहियं दसणहं सिरसावत्तं मत्थए अंजलि कटु एवं देवो ! तह त्ति आणाए विणएणं वयणं पडिसुणेति, सेणियस्स रण्णो अंतियानो पडिनिक्खमंति, रायगिहस्स नगरस्स मज्झमझेणं जेणेव सुमिणपाढगगिहाणि तेणेव उवागच्छंति, उवागच्छित्ता सुमिणपाढए
सहावेति ।। सेणियस्स सुमिणफल-पुच्छा-पदं २७. तए णं ते सुमिणपाढगा सेणियस्स रणो कोडुबियपुरिसेहि सद्दाविया समाणा
हतुटु-चित्तमाणंदिया जाव हरिसवस-विसप्पमाणयिया व्हाया कयबलिकम्मा" 'कय-कोउय-मंगल पायच्छित्ता अप्पमहग्घाभरणालंकियसरीरा 'हरियालियसिद्धत्थय-कयमुद्धाणा सएहि-सएहिं गेहेहितो" पडिनिक्खमंति, पडिनिक्खमित्ता रायगिहस्स नगरस्स मज्झमझेणं जेणेव सेणियस्स भवणवडेंसगदुवारे, तेणेव उवागच्छंति, उवागच्छित्ता एगयो मिलति', मिलित्ता सेणियस्स रणो भवणवडसगदुवारेणं अणुप्पविसंति, अणुप्पविसित्ता जेणेव वाहिरिया उवट्ठाणसाला, जेणेव सेणिए राया, तेणेव उवागच्छंति, उवागच्छित्ता सेणियं रायं जएणं विजएणं वद्धावेंति, सेणिएणं रण्णा अच्चिय-वंदिय-पूइय-माणिय
सक्कारिय-सम्माणिया समाणा पत्तेयं-पत्तेयं पुत्वन्नत्थेसु भद्दासणेसु निसीयंति ।। २८. तए ण से सणिए राया जवाणयतारय धाराण देवि ठवेइ, ठवेत्ता पूप्फफल__ पडिपुण्णहत्थे परेणं विणएणं ते सुमिणपाढए एवं वयासी–एवं खलु
१. किंनर (ख, ग)। २. ° मसूर (क, ख, ग, घ)। ३. पच्चत्थुयं (क); पच्चत्थियं (घ)। ४. विसिटुं° (क, ख, ध)। ५. ° सुतत्थधारए (ख)। ६. ना० १।१।१६। ७. हयहियया (क)। ८. निक्खमंति, २ ता (ग, घ)।
६. ना० १११।१६। १०. सं० पा.- कय बलिकम्मा जाव पायच्छित्ता। ११. सिद्धस्थय-हरियालिया कयमंगलमुद्धारणा
(पा)। १२. गिहेहितो (क)। १३. मेलायंति (क); मिलायंति (ख, घ) । १४. माणिय-पूइय (क, ग); पूइय (ख, घ)।
Jain Education International
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |