________________
२५२
नायाधम्मक हाओ
सूमालिया नाम दारिया - सुकुमालपाणिपाया जाव' रूत्रेण य जोव्वणेण य लावणेण य उक्किट्ठा
४४. तए णं जिणदत्ते सत्थवाहे तेसि कोडुंबियाणं अंतिए एयमट्ठे सोच्चा जेणेव सए गिहे तेणेव उवागच्छइ, उवागच्छित्ता व्हाए मित्त-नाइ परिवुडे चंपाए नयरीए मज्झमज्झेणं जेणेव सागरदत्तस्स गिहे तेणेव उवागए ||
४५. तए णं से सागरदत्ते सत्यवाहे जिणदत्तं सत्यवाहं एज्जमाणं पासइ, पासित्ता आसणा प्रभु, प्रभुत्ता आसणेणं उवनिमंते, उवनिमंतेत्ता असत्थं वीसत्थं सुहासणवरगयं एवं वयासी -भण देवाणुप्पिया ! किमागमणपण ?
४६. तए णं से जिणदत्ते सागरदत्तं एवं वयासी - एवं खलु अहं देवाणुप्पिया ! तव धूयं भद्दा प्रतियं सूमालियं सागरस्स' भारियत्ताए वरेमि । जइ णं जाणह देवाप्पिया ! जुत्तं वा पत्तं वा सलाहणिज्जं वा सरिसो वा संजोगो, ता दिज्जउ णं सूमालिया सागरदारगस्स । तए णं देवाणुप्पिया ! भण कि दलामो सुंक सूमालियाए ?
४७. तए णं से सागरदत्तं सत्थवाहे जिणदत्तं सत्यवाहं एवं क्यासी - एवं खलु देवाणुप्पिया ! सूमालिया दारिया एगा एगजाया' इट्ठा कंता पिया मणुण्णा मणामा जाव उंबरपुप्फं व दुल्लहा सवणयाए, किमंग पुणे पासणयाए ? तं नो खलु ग्रहं इच्छामि सूमालियाए दारिवाए खणमवि विप्पोगं । तं जइ णं देवाप्पिया ! सागरए दारए मम घरजामाउए भवइ, तो णं ग्रहं सागरस्स सूमालियं दलयामि ||
४८. तए गं से जिणदत्ते सत्थवाहे सागरदत्तेणं सत्थवाहेणं एवं वृत्ते समाणे जेणेव सए गिहे तेणेव उवागच्छङ, उवागच्छित्ता सागरगं' दारगं सद्दावेइ, सद्दावेत्ता एवं वयासी एवं खलु पुत्ता ! सागरदत्ते सत्थवाहे ममं एवं वयासी - एवं खलु देवाप्पिया ! सूमालिया दारिया - इट्ठा कंता पिया मणुण्णा सणामा जाव" उंबरपुष्पं व दुल्लहा सवणयाए, किमंग पुण पासणयाए ? तं नो खलु ग्रहं इच्छामि सूमालियाए दारियाए खणमवि विप्पयोगं । तं जइ णं सागरए दारए मम घरजामाउए भवइ, 'तो णं" दलयामि ॥
१. ना० १६६०
२. सागरदत्तस्स दारगस्स ( ख, ग ) 1
३. दलामो ( क ) ।
४. सुकं (ख); सुक्कं (घ) ।
५. मम एगा घूया (क)
६. एगा जाया (ख, घ) ।
Jain Education International
७. ना० १।१।१०६ ।
८. सागरं (ग, घ ) ।
६. सं० पा० - इट्ठा तं चैव ।
१०. ना० १।१११०६ ।
११. जाव (ख, घ) ।
For Private & Personal Use Only
www.jainelibrary.org
