________________
२६४
नायाधम्मकहायो ७६. तए णं से तेयलिपुत्ते पोट्टिलं एवं वयासी-भीयस्स खलु भो ! पव्वज्जा',
उक्कंटियस्स सदेसगमणं, छुहियस्स अन्नं, तिसियस्स पाणं, पाउरस्स भेसज्जं माइयस्स रहस्सं, अभिजुत्तस्स पच्चयकरणं, अद्धाणपरिसंतस्स वाहणगमणं, तरिउकामस्स पवहणकिच्चं, परं अभिउंजिउकामस्स सहायकिच्चं। खंतस्स
दंतस्स जिइंदियस्स एत्तो एगमवि न भवइ ।। ८०. तए णं से पोट्टिले देवे तेयलिपुत्तं अमच्चं एवं वयासी-सुठु णं तुम तेयलि
पुत्ता! एयमटुं प्रायाणाहि त्ति कटु दोच्चंपि तच्चपि एवं वयइ, वइत्ता जामेव
दिसि पाउब्भूए तामेव दिसि पडिगए। तेयलिपुत्तस्स जाईसरणपुव्वं पव्वज्जा-पदं ८१. तए णं तस्स तेयलिपुत्तस्स सुभेणं परिणामेणं जाईसरणे समुप्पन्ने । ८२. तए णं तेयलिपुत्तस्स अयमेयारूवे अज्झथिए चितिए पत्थिए मणोगए संकप्पे
समुप्पज्जित्था-एवं खलु अहं इहेब जंबुद्दीवे दीवे महाविदेहे वासे पोक्खलावईए विजए पोंडरीगिणीए रायहाणीए महापउमे नामं राया होत्था। तए णं है थेराणं अंतिए मुंडे भवित्ता' 'पव्वइए सामाइयमाइयाई चोद्दसपुव्वाई अहिज्जित्ता बहणि वासाणि सामण्णपरियागं पाउणित्ता मासियाए संलेहणाए महासुक्के कप्पे 'देवत्ताए उववपणे" । तए णं हं तानो देवलोगायो ग्राउक्खएणं भवक्खएणं ठिइक्खएणं अणंतरं चयं चइत्ता इहेव तेयलिपुरे तेयलिस्स अमच्चस्स भद्दाए भारियाए दारगत्ताए पच्चायाए । तं सेयं खलु मम पुवुद्दिट्ठाई महन्वयाई सयमेव उवसंपज्जित्ता णं विहरित्तए-एवं संपेहेइ, संपेहेत्ता सयमेव महव्वयाइं पारुहेइ, पारुहेत्ता जेणेव पमयवणे उज्जाणे तेणेव उवागच्छइ, उवागच्छित्ता असोगवरपायवस्स अहे पुढविसिलापट्टयंसि सुहनिसण्णस्स अणुचितेमाणस्स पुवाहीयाई सामाइयमाइयाइं चोद्दसपुवाई सयमेव अभिसमण्णा
गया। केवलणाण-पदं ५३. तए णं तस्स तेलिपुत्तस्स अणगारस्स सुभेणं परिणामेणं' 'पसत्थेणं अज्झव
साणेणं लेसाहि विसुज्झमाणीहिं° तयावरणिज्जाणं कम्माणं खग्रोवसमेणं कम्मरयविकरणकरं अपुवकरणं पविट्ठस्स केवलवरनाणदंसणे समुप्पण्णे ॥
१. सरणं इति गम्यते (वृ)। २. छायस्स (क, ख, ग)। ३. सं० पा०--भवित्ता जाव चोद्दसपुवाई।
४. देवे (क, ख, ग)। . ५. पुवदिट्ठाई (ख)।
६. पंच महव्वयाई (घ)। ७. पंच महव्वयाई (घ)। ८. सं० पा०-परिणामेणं जाव तयावरणि
ज्जाणं ।
Jain Education International
For Private & Personal Use Only
www.jainelibrary.org
