________________
२४२
नायाधम्मकहाओ वि यत्थ' बहुजणो 'कि ते" जलरमण-विविहमज्जण-कयलिलयाहरय'-कुसुमसत्थरय-अणेगसउणगण-कर्यारभियसंकुलेसु सुहंसुहेणं अभिरममाणो-अभिरम
माणो विहरइ ।। २५.
तए णं नंदाए पोक्खरिणीए' बहुजणो ण्हायमाणो य पियमाणो य पाणियं च संवहमाणो य अण्णमण्णं एवं वयासी-धण्णे' णं देवाण प्पिया ! नंदे मणियारसेट्टो, कयत्थे •णं देवाणुप्पिया ! नंदे मणियारसेट्ठी, कयलक्खणे णं देवाणुप्पिया ! नंदे मणियारसेट्टी, कयपुण्णे णं देवाणुप्पिया ! नंदे मणियारसेट्टी, कया णं लोया ! सुलद्धे माणुस्सए • जम्मजीवियफले [नंदस्स मणियारस्स ?] ? जस्स णं इमेयारूवा नंदा पोक्खरिणी चाउक्कोणा जाव पडिरूवा" जाव" रायगिहविणिग्गो जत्थ बहुजणो आसणेसु य सयणेसु य सण्णिसण्णो य संतुयट्टो य पेच्छमाणो य साहेमाणो य सुहंसुहेणं विहरइ । तं धन्ने णं देवाणुप्पिया ! नंदे मणियारसेट्ठी, कयत्थे णं देवाणुप्पिया! नंदे मणियारसेट्टी, कयलक्खणे णं देवाणुप्पिया! नंदे मणियारसेट्ठी, कयपुण्णे णं देवाणु प्पिया ! नंदे मणियारसेट्टी,
कया णं लोया ! सुलद्धे माणुस्सए जम्मजीवियफले नंदस्स मणियारस्स ? २६. तए णं रायगिहे सिंघाडग- तिग-च उक्क-चच्चर-च उम्मुह-महापह-पहेसु
बहुजणो अण्णमण्णस्स एवमाइक्खइ एवं भासइ एवं पण्णवेइ एवं परूवेइ धन्ने
णं देवाणप्पिया ! नंदे मणियारसेट्ठी सो चेव गमओ जाव सुहंसुहेणं विहरइ ।। २७. तए णं से नंदे मणियारसेट्टी बहुजणस्स अंतिए एयम₹ सोच्चा निसम्म हरतुदे ___'धाराहत - कलंबगं विव'१५ समूसवियरोमकूवे परं सायासोक्खमणुभवमाणे
विहरइ॥ नंदस्स रोगुप्पत्ति-पदं २८. तए णं तस्स नंदस्स मणियारसेट्ठिस्स अण्णया कयाइ सरीरगंसि सोलस रोगा
यंका" पाउब्भूया। [तं जहा
१. जत्थ (क, ख); तत्थ (घ)। २. किं तत् 'यत् करोति' इति शेषः । ३. घरय (क)। ४. अभिरममाणे (क)। ५. पुक्खरणीए (क); पोक्खरणीए (ख)। ६. वा (क)। ७. धण्णेसि (क, घ)! ८. सं० पा०-कयत्थे जाव जम्म° ।
९. ना० १।१३।१७ । १०. पडिरूवा जस्स णं पुरथिमिल्ले तं चेव ___ चउसु वि वणसंडेसु (क, ख, ग, घ) । ११. ना० १६१३३१८-२४ । १२. सं० पा०-सिंघाडग जाव बहुजणो। १३, धाराहयकलंबकं पिव (ख, ग); कयंबक
पिव (घ)। १४. रोगातंका (क); रोयायंका (ख)।
Jain Education International
For Private & Personal Use Only
www.jainelibrary.org
