________________
अट्ठम अज्झयणं (मल्लो)
णं तस्स चित्तगरस्स इमेयारूवे अज्झथिए जाव' समुप्पज्जित्था-सेयं खलु मम मल्लीए विदेहरायवरकन्नाए पायगुट्ठाणुसारेणं सरिसगं' 'सरित्तयं सरिव्वयं सरिसलावण्ण-रूव-जोव्वण ° गुणोववेयं रूवं निव्वत्तित्तए--एवं संपेहेइ, संपेहेत्ता भूमिभाग सज्जेइ, सज्जेत्ता मल्लीए विदेहरायवरकन्नाए पायंगुट्ठासारेण सरिसणं
जाव रूवं निव्वत्तेइ ।।। १२१. तए णं सा चित्तगर-सेणी चित्तसभं हाव-भाव-विलास-बिब्बोयकलिएहि
रूवेहि चित्तेइ, चित्तेत्ता जेणेव मल्लदिन्ने कुमारे तेणेव उवागच्छइ, उवाग
च्छित्ता एयमाणत्तियं पच्चप्पिणइ ॥ १२२. तए णं से मल्लदिन्ने कुमारे चित्तगर-सेणि सक्कारेइ सम्माणेइ, सक्कारेत्ता
सम्माणेत्ता विपुलं जीवियारिहं पीइदाणं दल यइ, दलइत्ता पडिविसज्जइ ॥ १२३. तए णं से मल्लदिन्ने कुमारे' व्हाए अंतेउर-परियाल-संपरिबुडे अम्मधाईए सद्धि
जेणेव चित्तसभा तेणेव उवागच्छइ, उवागच्छित्ता चित्तसभं अणुप्पविसइ, अणुप्पविसित्ता हाव-भाव-विलास-बिब्बोयकलियाई रूवाई पासमाणे-पासमाणे जेणेव मल्लीए विदेहरायवरकन्नाए तयाणुरूवे रूवे निव्वत्तिए तेणेव पहारेत्थ
गमणाए। १२४. तए णं से मल्लदिन्ने कुमारे मल्लीए विदेहरायवरकन्नाए तयाणुरूवं रूवं
निव्वत्तियं पासइ, पासित्ता' इमेयारूवे अज्झथिए जाव' समुप्पज्जित्था एस णं मल्ली विदेहरायवरकन्ने ति कट्ट लज्जिए विलिए वेड्डे सणिय-सणियं
पच्चोसक्कइ।। १२५. तए णं तं मल्लदिन्नं कुमारं अम्मधाई सणियं-सणियं पच्चोसक्कंतं पासित्ता
एवं वयासी-किण्णं तुमं पुत्ता! लज्जिए विलिए वेड्डे सणियं-सणियं
पच्चोसक्कसि ? १२६. तए णं से मल्लदिन्ने कुमारे अम्मधाई एवं वयासी--जुत्तं णं अम्मो ! मम
जेट्टाए भगिणीए गुरु-देवयभूयाए लज्जणिज्जाए मम चित्तसभं
अणु पविसित्तए? १२७. तए णं अम्मधाई मल्लदिन्नं कुमारं एवं वयासी-नो खलु पुत्ता ! एस मल्ली
--.-.-.-.- - १. ना० १.११४८ ।
६. ना० ११११४८। २. सं० पा०–सरिसग जाव गुणोववेयं । । ७. बिलए (ख); विलज्जिए (घ); बीडिए ३. सं० पा.-जाव हाव भावं । अत्र जाव (क्व)। शब्दः भावशब्दानंतरं युज्यते ।
८. अम्मधाई (क, ख, ग, घ)। ४. कुमारे अण्णया (क, ख, ग)।
६. चित्तघरसभं (ख, ग, घ)। ५. अतोऽने 'तस्स' इति पदमध्याहर्तव्यम् ।
Jain Education International
For Private & Personal Use Only
www.jainelibrary.org
