________________
१७८
नायाधम्मकहाओ
१००. तए णं से दूए रुप्पिणा एवं वुत्ते समाणे हट्ठतुढे जाव' ० जेणेव मिहिला नयरी
तेणेव पहारेत्थ गमणाए । संख-राय-पदं १०१. तेणं कालेणं तेणं समएणं कासी नाम जणवए होत्था। तत्थ णं वाणारसी नामं
नयरी होत्था । तत्थ णं संखे नाम कासीराया होत्था । १०२. तए णं तीसे मल्लीए विदेहवररायकन्नाए अण्णया कयाई तस्स दिव्वस्स
कुंडलजुयलस्स संधी विसंघडिए यावि होत्था ॥ १०३, तए णं से कुंभए राया सुवण्णगारसेणि सद्दावेइ, सद्दावेत्ता एवं वयासी-तुब्भे
णं देवाणुप्पिया। इमस्स दिव्वस्स कुंडलजुयलस्स संधि संघाडेह, [संघाडेत्ता
एयमाणत्तियं पच्चप्पिणह' ?] !! १०४. तए णं सा सुवण्णगारसेणी एयमटुं तहत्ति पडिसुणेइ, पडिसुणेत्ता तं दिव्वं
कुंडलजुयलं गेण्हइ, गेण्हित्ता जेणेव सुवण्णगार-भिसियानो तेणेव उवागच्छइ, उवागच्छित्ता सुवण्णगार-भिसियासु निवेसेइ, निवेसेत्ता बहूहिं आएहि यं •उवाएहि य उप्पत्तियाहि य वेणइयाहि य कम्मयाहि य पारिणामियाहि य बुद्धीहिं० परिणामेमाणा इच्छंति तस्स दिव्वस्स कुंडलजुयलस्स संधि घडित्तए,
नो चेव णं संचाएइ घडित्तए॥ १०५. तए णं सा सुवण्णगारसेणी जेणेव कुंभए राया तेणेव उवागच्छइ, उवागच्छित्ता
करयल - परिग्गहियं सिरसावत्तं मत्थए अंजलि कटु जएणं विजएणं वद्धावेइ°, वद्धावेत्ता एवं वयासी-एवं खलु सामी ! अज्ज तुम्हे' अम्हे सद्दावेह, जाव' संधि संघाडेत्ता एयमाणत्तियं पच्चप्पिणह । तए णं अम्हे तं दिव्वं कुंडलजयलं गेण्हामो, गेण्हित्ता जेणेव सुवण्णगार-भिसियानो तेणेव उवगच्छामो जाव' नो संचाएमो संधि" संघाडेत्तए । तए णं अम्हे सामी ! एयस्स दिव्वरस
कंडलजयलस्स अण्णं सरिसयं कुंडलजुयलं घडेमो ।। १०६. तए णं से कभए राया तीसे सुवण्णगारसेणीए अंतिए एयमढ़े सोच्चा निसम्म
प्रासुरुत्ते रुद्रे कुबिए चंडिक्किए मिसिमिसेमाणे तिवलियं भिउडि निडाले साहट्ट एवं वयासी--केस णं तुब्भे कलाया णं भवह, जे णं तुब्भे इमस्स
१. ना० १८६३ ।
५. सं० पा०-आएहि य जाव परिणामेमाणा। २. ° कन्नयाए (ख)।
६. सं० पा-करयलबद्धावेत्ता। ३. संधी (क, ख, ग, घ)।
७. तुन्भे (ग)। ४. स्वर्णकारश्रेण्या राज्ञे निवेदने कोष्ठकवर्ती ८. ना० १०८।१०३। पाठो विद्यते । द्रष्टव्यम् --सू० १०५ । तेन ६. ना० १।८।१०४ ! अत्रासौ युज्यते।
१०. X(ख, घ)।
Jain Education International
For Private & Personal Use Only
www.jainelibrary.org
