________________
१२८
नायाधम्मकहाओ
फासुया ते दुविहा पण्णत्ता, तं जहा---एसणिज्जा य अणेसणिज्जा य । तत्थ णं जेते अणेसणिज्जा ते णं समणाणं निग्गंथाणं अभक्खेया। तत्थ णं जेते एसणिज्जा ते दुविहा पण्णत्ता, तं जहा-जाइया य अजाइया य तत्थ णं जेते अजाइया ते णं समणाणं निग्गंथाणं अभक्खेया। तत्थ णं जेते जाइया ते दुविहा पण्णत्ता, तं जहा-लद्धा य अलद्धा य । तत्थ णं जेते अलद्धा ते अभक्खेया। तत्थ णं जेते लद्धा ते णं समणाणं निगंथाणं भक्खया ।
एएणं अट्ठणं सुया ! एवं वुच्चइ-कुलत्था भक्खेया वि अभवखे या वि° ।। मासाणं भक्खाभक्ख-पदं ७५. "मासा ते भंते ! कि भक्खया? अभक्खेया?
सूया ! मासा भक्खेया वि अभक्खेया वि । से केणटेणं भंते ! एवं बुच्चइ-मासा भवखेया वि अभवखेया वि? सुया ! मासा तिविहा पण्णत्ता, तं जहा-कालमासा य अत्थमासा य धण्णमासा य । तत्थ णं जेते कालमासा ते दुवालसविहा पण्णत्ता, तं जहा-सावणे भद्दवए आसोए कत्तिए मग्गसिरे पोसे माहे फग्गुणे चेत्ते वइसाहे जेट्ठामूले आसाढे । तेणं समणाणं निगंथाणं अभक्खेया।। तत्थ णं जेते अत्थमासा ते दुविहा पण्णत्ता, तं जहा-हिरण्णमासा य सुवण्णमासा य । ते णं समणाणं निगंथाणं अभक्खेया। तत्थ णं जेते धण्णमासा ते दुविहा पण्णत्ता, तं जहा- सत्थपरिणया य असत्थपरिणया य । तत्थ णं जेते असत्थपरिणया ते समणाणं निगथाणं अभक्खेया । तत्थ णं जेते सत्थपरिणया ते दुविहा पण्णत्ता, तं जहा -- फासुया य अफासुया य । अफासुया णं सुया ! समणाणं निग्गंथाणं नो भक्खेया । तत्थ णं जेते फासुया ते दुविहा पण्णत्ता, तं जहा-एसणिज्जा य अणेसणिज्जा य । तत्थ णं जेते अणेसणिज्जा ते णं समणाणं निग्गंथाणं अभवखेया। तत्थ णं जेते एसणिज्जा ते दुविहा पण्णत्ता, तं जहा ---जाइया य अजाइया य । तत्थ णं जेते अजाइया ते णं समणाणं निगंथाणं अभक्खेया। तत्थ णं जेते जाइया ते दुविहा पण्णत्ता, तं जहा-लद्धा य अलद्धा य । तत्थ णं जेते अलद्धा ते णं समणाणं निग्गंथाणं अभक्खेया।
१. सं० पा०एवं मासा वि । नवरं-इम
नाणत्तं-मासा तिविहा पण्णता, तं जहाकालमासा य अत्थमासा य धन्नमासा य । तत्थ णं जे ते कालमासा ते णं दुवालस, तं
जहा--सावणे जाव आसाढे। ते ण अभक्खेया। अस्थमासा दुविहा--हिरण्णमासा य सुवण्णमासा य । ते णं अभक्खेया । धन्नमासा तहेव ।
Jain Education International
For Private & Personal Use Only
www.jainelibrary.org
