________________
नायाधम्मकहानो ४. तस्स णं रेवयगस्स अदूरसामते, एत्थ णं नंदणवणे नामं उज्जाणे होत्था--
सव्वोउय-पुप्फ-फल-समिद्धे रम्मे नंदणवणप्पगासे पासाईए' दरिसणीए अभिरूवे
पडिरूवे ।। ५. तस्स णं उज्जाणस्स बहुमज्भदेसभाए सुरप्पिए नामं जक्खाययणे होत्था ---
दिव्वे वण्णयो । ६. तत्थ णं बारवईए नयरीए कण्हे नामं वासुदेवे राया परिवसइ। से णं तत्थ
समुद्दविजयपामोक्खाणं दसण्हं दसाराण, बलदेवपामोक्खाणं पंचण्हं महावीराणं, उग्गसेणपामोक्खाणं सोलसहं राईसाहस्सीणं', पज्जुन्नपामोक्खाणं अद्धद्वाणं कमारकोडीणं, संबपामोक्खाणं सटीए दंतसाहस्सीणं, वीरसेणपामोक्खाणं एक्कवीसाए वीरसाहस्सीणं, महासेणपामोक्खाणं छप्पण्णाए बलबगसाहस्सीणं, रुप्पिणिप्पामोक्खाणं बत्तीसाए महिलासाहस्सीणं, अणंगसेणापामोक्खाणं अणेगाणं गणियासाहस्सीणं अण्णेसिं च बहूणं ईसर-तलवर - माडंबिय-कोडंबियइन्भ-सेटि-सेणावइ ° -सत्थवाहपभिईणं, वेयड्डगिरि-सागरपेरंतस्स य दाहिणवभरहस्स, वारवईए नयरीए आहेवच्चं 'पोरेवच्चं सामित्तं भट्टित्तं महत्तरगत्तं
प्राणा-ईसर-सेणावच्चं कारेमाणे ° पालेमाणे विहरइ । थावच्चापुत्त-पदं ७. तत्थ णं बारवईए नयरीए थावच्चा नाम गाहावइणी परिवसइ–अड्डा दित्ता वित्ता विस्थिण्ण-विउल-भवण-सयणासण-जाणवाणा बहुधण-जायरूव-रयया अायोग-पयोग-संपउत्ता विच्छड्डिय-पउर-भत्तपाणा वहुँदासी-दास-गो-महिस
गवेलग-प्पभूया बहुजणस्स ° अपरिभूया ॥ ८. तीसे णं थावच्चाए गाहावइणीए पुत्ते थावच्चापुत्ते नामं सत्थवाहदारए होत्था
सुकुमालपाणिपाए नहीण-पडिपुण्ण-पंचिदियसरीरे लक्खण-वंजण-गुणोववेए माणुम्माण-प्पमाणपडिपुण्ण-सुजाय-सव्वंगसुंदरंगे ससिसोमाकारे कंते पिय
दसणे' सुरूवे ।। ६. तए णं सा थावच्चा गाहावइणी तं दारगं साइरेगअट्ठवासजाययं" जाणित्ता
१. पासातीए (ग, घ)! २. ओ० सू० २। ३. रायसहस्साणं (क); रातीसहस्साणं (ग);
रायासहस्साणं (घ)। ४. सट्ठी (क); सट्ठीणं (घ)। ५. महसे ० (ख, घ)।
६.सं० पा०--तलवर जाव सत्थवाह। ७. वियड्ढ° (ख)। ८. सं० पा०—आहेवच्छ जाव पालेमाणे। ६. सं० पा०---अड्ढा जाव अपरिभुया । १०. सं० पा०-सुकुमालपाणिपाए जाब सुरूवे । ११. जाई (ख); ° जायं (क्वचित्) ।
Jain Education International
For Private & Personal Use Only
www.jainelibrary.org
