________________
६३८
भगवद
२६३. नियंठे णं भंते ! कि सवेदए.-...पुच्छा ।
गोयमा ! नो सवेदए होज्जा, अवेदए होज्जा ॥ २६४. जइ अवेदए होज्जा कि उवसंतवेदए-पुच्छा।
गोयमा ! उवसंतवेदए वा होज्जा, खीणवेदए वा होज्जा ।। २६५. सिणाए णं भंते ! कि सवेदए होज्जा ०? जहा नियंठे तहा सिणाए वि, नवरं
-नो उवसंतवेदए होज्जा, खीणवेदए होज्जा ।। राग-पदं २६६. पुलाए णं भंते ! किं सरागे होज्जा ? वीतरागे होज्जा ?
गोयमा ! सरागे होज्जा, नो वोत रागे होज्जा । एवं जाव कसायकुसीले ।। २६७. नियंठे णं भंते ! कि सरागे होज्जा--पुच्छा।
गोयमा ! नो सरागे होज्जा, बीतरागे होज्जा ।। २६८. जइ वीत रागे होज्जा कि उवसंतकसायवीतरागे होज्जा ? खीणकसायवीतरागे
होज्जा? गोयमा ! उवसंतकसायवीतरागे वा होज्जा, खीणकसायवीतरागे वा होज्जा। सिणाए एवं चेव, नवरं नो उवसंतकसायवीतरागे होज्जा, खीणकसायवीत
रागे होज्जा ।। कप्प-पदं २६६. पुलाए णं भंते ! किं ठियकप्पे होज्जा ? अट्रियकप्पे होज्जा ?
गोयमा ! ठियकप्पे वा होज्जा, अट्टियकप्पे वा होज्जा। एवं जाव सिणाए ।। ३००. पुलाए णं भंते ! कि जिणकप्पे होज्जा ? थेरकप्पे होज्जा ? कप्पातीते
होज्जा?
गोयमा ! नो जिणकप्पे होज्जा, थेरकप्पे होज्जा, नो कप्पातीते होज्जा ।। ३०१. बउसे णं - पुच्छा।
गोयमा ! जिणकप्पे वा होज्जा, थेरकप्पे वा होज्जा, नो कप्पातीते होज्जा।
एवं पडिसेवणाकुसोले वि॥ ३०२. कसायकुसीले णं-पुच्छा।
गोयमा ! जिणकप्पे वा होज्जा, थेरकप्पे वा होज्जा, कप्पातीते वा होज्जा ।। ३०३. नियंठे णं-पुच्छा।
गोयमा ! नो जिणकप्पे होज्जा, नो थेरकप्पे होज्जा, कप्पातीते होज्जा । एवं
सिणाए वि।। चरित्त-पदं ३०४. पुलाए णं भंते ! कि सामाइयसंजमे होज्जा ? छेोवट्ठावणियसंजमे होज्जा?
परिहार विसुद्धियसंजमे होज्जा ? सुहुमसंपरागसंजमे होज्जा ? अहक्खायसंजमे होज्जा?
Jain Education International
For Private & Personal Use Only
www.jainelibrary.org
