________________
२८
भगवई
१३७. जंणं भंते ! अत्थित्तं अत्थित्ते गणिज्जं, नत्थित्तं नत्थित्ते गमणिज्ज, तं कि
पयोगसा? वीससा? गोयमा ! पयोगसा वि तं अत्थित्तं अत्थित्ते गमणिज्ज, नत्थित्तं नत्थित्ते गमणिज्ज] ।
वीससा वि तं [अत्थित्तं अत्थित्ते गमणिज्जं, नत्थित्तं नत्थित्ते गमणिज्जं] । १३८. जहा ते भंते ! अत्थित्तं अत्थित्ते गमणिज्ज, तहा ते नत्थित्तं न त्थित्ते गमणिज्ज ?
जहा ते नत्थित्तं नत्थित्ते गमणिज्जं, तहा ते अत्थित्तं अत्थित्ते गमणिज्ज ? हंता गोयमा! जहा मे अस्थित्तं अत्थित्ते गमणिज्ज, तहा मे नत्थित्तं नत्थित्ते गमणिज्जं ।
जहा मे नत्थित्तं नत्थित्ते गमणिज्ज°, तहा मे अत्थित्तं अत्थित्ते गमणिज्ज । भगवमो समता-पदं १३९. जहा ते भंते ! एत्थं गणिज्ज, तहा ते इहं गमणिज्ज ? जहा ते इहं गमणिज्जं,
तहा ते एत्थं गमणिज्ज ? हंता गोयमा ! जहा मे एत्थं गमणिज्ज', 'तहा मे इहं गमणिज्ज । जहा मे इहं
गमणिज्जं°, तहा मे एत्थं गमणिज्जं ।। कंखामोहणिज्जस्स बंधादि-पदं १४०. जीवा णं भंते ! कंखामोहणिज्जं कम्मं बंधति ?
हंता बंधंति ।। १४१. कहपण भंते ! जीवा कंखामोहणिज्जं कम्मं बंधति ?
गोयमा! पमादपच्चया, जोगनिमित्तं च ।। १४२. से णं भंते ! पमादे किंपवहे ?
गोयमा ! जोगप्पवहे ॥ १४३. से णं भंते ! जोए किंपवहे ?
गोयमा ! बीरियप्पवहे ।। १४४. से णं भंते ! वीरिए किंपवहे ?
गोयमा ! सरीरप्पवहे ।। १४५. से णं भंते ! सरीरे किंपवहे ?
गोयमा ! जीवप्पवहे ।। १४६. एवं सति अस्थि उट्ठाणेइ वा, कम्मेइ वा, बलेइ वा, वोरिएइ वा, पुरिसक्कार
परक्कमेइ वा ॥
१. सं० पा०-गमरिणज्जं जाव तहा । २. कहं णं (अ)।
३. निमित्तयं (क)। ४. किपभवे (क, वपा) सर्वत्र ।
Jain Education International
For Private & Personal Use Only
www.jainelibrary.org
