Agam 05 Ang 05 Bhagvati Vyakhya Prajnapti Sutra Bhagvai Terapanth

SR No.: 003561
Original Sutra Author: N/A
Author: Tulsi Acharya, Nathmalmuni
Publisher: Jain Vishva Bharati
Publication Year: 1975
Total Pages: 1158
Language: Prakrit
Classification: Book_Devnagari, Agam, Canon, & agam_bhagwati
File Size: 19 MB

Page 873

८१२
भगवई
हालिद्दएण वि समं भंगा ३, एवं सुक्किलेण वि समं भंगा ४, सिय लोहियए य हालिद्दए य भंगा ३, एवं सुक्किलण वि समं ३, सिय हालिद्दए य सुक्किलए य भंगा ३, एवं सव्वे ते दस दुयासंजोगा भंगा तीसं भवंति । जइ तिवणे ? १. सिय कालए य नीलए य लोहियए य, २. सिय कालए य नीलए य हालिद्दए. य, ३. सिय कालए य नीलए य सुविकलए य, ४. सिय कालए य लोहियए य हालिद्दए य, ५. सिय कालए य लोहियए य सुविकलए य,६. सिय कालए य हालिहए य सक्किलए य, ७. सिय नीलए य लोहियए य हालिद्दए य, ८. सिय नीलए य लोहियाए य सुक्किलए य, ६. सिय नीलए य हालिद्दए य सुक्किलए य, १०. सिय लोहियए स हालिद्दए य सुक्किलए य, एवं एए दस तियासंजोगा। जइ एगगंधे ? सिय सुभिगंधे, सिय दुभिगंधे । जइ दुगंधे ? सुब्भिगंधे य दभिगंधे य भंगा ३ । रसा जहा वण्णा । जइ दुफासे ? सिय सीए य निद्धे य, एवं जहेव दुपएसियरस तहेव चत्तारि भंगा। जइ तिफासे? १. सव्वे सीए देसे निद्धे देसे लुक्खे, २. सव्वे सीए देसे निद्धे देसा लुक्खा, ३. सव्वे सीए देसा निद्धा देसे लुक्खे, सव्वे उसिणे देसे निद्ध देसे लुक्खे, एत्थ वि' भंगा तिण्णि, सव्वे निद्धे देसे सीए देसे उसिणे भंगा तिष्णि, सवे लुक्खे देसे सीए देसे उसिणे भंगा तिष्णि । जइ चउफासे ? १. देसे सीए देसे उसिणे देसे निद्धे देसे लुक्खे, २. देसे सीए देसे उसिणे देसे निद्धे देसा लुक्खा, ३. देसे सीए देसे उसिणे देसा निद्धा देसे लुक्खे, ४. देसे सीए देसा उसिणा देसे निद्धे देसे लुक्खे, ५. देसे सीए देसा उसिणा देसे निद्धे देसा लूक्खा, ६. देसे सीए देसा उसिणा देसा निद्धा देसे लुक्खे, ७. देसा सीया देसे उसिणे देसे निद्धे देसे लुक्खे, ८. देसा सीया देसे उसिणे देसे निद्धे देसा लुक्खा, ६. देसा सीया देसे उसिणे देसा निद्धा देसे लुक्खे, एवं एए तिपएसिए फासेसु पणवीसं भंगा। चउप्पएसिए णं भंते ! खंधे कतिवण्णे० ? जहा अठारसमसए जाव' सिय चउफासे पण्णते । जइ एगवण्णे ?सिय कालए य जाव सुक्किलए। जइ दुवण्णे ? १. सिय कालए य नीलए य, २. सिय कालए य नीलगाय, ३. सिय कालगा य नीलए य, ४. सिय कालगा य नीलगा य, सिय कालए य लोहियए य एत्थ वि चत्तारि भंगा, सिय कालए य हालिद्दए य ४, सिय कालए य सुक्किलए य ४, सिय नीलए य लोहियए य ४, सिए नीलए य हालिद्दए य ४, सिय नीलए य सुक्किलए य ४, सिय लोहियए य हालिद्दए य ४, सिय लोहियए य सुक्किलए य ४,
२६.
१. भ. १८।११४॥