________________
एगूणवीसइमं सतं (अट्ठमो उद्देसो)
८०३ ६१. नेरइयाणं-पुच्छा ।
गोयमा ! एगा इंडसंठाण निव्वत्ती पण्णत्ता ।। ६२. असुरकुमाराणं - पुच्छा।
गोयमा ! एगा समचउरंससंठाणनिव्वत्ती पण्णत्ता। एवं जाव थणियकुमाराणं ।। ६३. पुढविकाइयाणं-पुच्छा।
गोयमा ! एगा मसूरचंदसंठाणनिव्वत्ती' पण्णत्ता। एवं जस्स जं संठाणं जाव
वेमाणियाण ॥ ६४. कतिविहा णं भंते ! सण्णानिव्वत्ती पण्णत्ता ?
गोयमा ! च उम्विहा सग्णानिव्वत्ती पण्णत्ता, तं जहा आहारसण्णानिव्वत्ती
जाव परिग्गहसण्णानिव्वत्ती । एवं जाव वेमाणियाणं ।। ६५. कतिविहा णं भंते ! लेस्सानिव्वत्ती पण्णता?
गोयमा ! छविहा लेस्सानिवत्ती पणत्ता, तं जहा- कण्हलेस्सानिव्वत्ती जाव
सुक्कलेस्सानिवत्ती । एवं जाव वेमाणियाणं, जस्स जति लेस्सायो ।। ६६. कतिविहा णं भंते ! दिट्ठीनिव्वत्ती पण्णत्ता ?
गोयमा ! तिविहा दिट्ठोनिव्वत्ती पण्णत्ता, तं जहा–सम्मादिट्ठिनिव्वत्ती, मिच्छादिट्ठिनिव्वत्ती, सम्मामिच्छादिटिनिव्वत्ती। एवं जाव वेमाणियाणं, जस्स जति
विहा दिट्ठी ॥ ६७. कतिविहा णं भंते ! नाणनिव्वत्ती पण्णत्ता ?
गोयमा ! पंचविहा नाणनिव्वत्ती पण्णत्ता, तं जहा-आभिणिबोहियनाणनिव्वत्ती जाव केवलनाणनिव्वत्ती। एवं एगिदियवज्जं जाव वेमाणियाणं, जस्स जति
नाणा ।। १८. कतिविहा णं भंते ! अण्णाणनिव्वत्ती पण्णता ?
गोयमा ! तिविहा अण्णाणनिव्वत्ती पण्णत्ता, तं जहा—मइअण्णाणनिव्वत्ती, सुयअण्णाणनिव्वत्ती, विभंगनाणनिव्वत्ती। एवं जस्स जति अण्णाणा जाव वेमाणियाणं ।। कतिविहा णं भंते ! जोगनिव्वत्ती पण्णत्ता? गोयमा! तिविहा जोगनिव्वत्ती पण्णत्ता, तं जहा–मणजोगनिव्वत्ती, वइजोगनिव्वत्ती, कायजोगनिव्वत्ती। एवं जाव वेमाणियाणं, जस्स जतिविहो
जोगो ॥ १००. कतिविहा णं भंते ! उवयोगनिव्वत्ती पण्णता ?
१. मसूरचंदा' (क); मसूराचंदा° (ता, ब)।
Jain Education International
For Private & Personal Use Only
www.jainelibrary.org
