________________
८०२
भगवई
गोयमा! अट्ठविहा कम्मनिव्वत्तो पण्णत्ता, तं जहा --नाणावरणिज्जकम्म
निव्वत्ती जाव अंतराइयकम्मनिव्वत्ती। एवं जाव वेमाणियाणं ।। ८२. कतिविहा णं भंते ! सरीरनिव्वत्ती पण्णत्ता ?
गोयमा ! पंचविहा सरीरनिव्वत्ती पण्णत्ता, तं जहा--पोरालियसरीरनिव्वत्ती
जाव कम्मासरीरनिव्वत्ती ।। ८३. नेरइयाणं भंते ! कतिविहा सरीरनिव्वत्ती पण्णत्ता? एवं चेव । एवं जाव
वेमाणियाण, नवरं-नायव्वं जस्स जइ सरीराणि ॥ ८४. कतिविहा णं भंते ! सव्विदियनिव्वत्ती पयणता ?
गोयमा! पंचविहा सव्विदियनिव्वत्ती पण्णता. तं जहा-सोइंदियनिव्वत्ती
जाव फासिंदियनिव्वत्ती । एवं' नेरइयाणं जाव थणियकुमाराणं ।। ८५. पुढविकाइयाणं-पुच्छा।
गोयमा ! एगा फासिदियनिव्वत्ती पण्णत्ता । एवं जस्स 'जति इंदियाणि जाव
वेमाणियाणं ॥ ८६. कतिविहा णं भंते ! भासानिव्वत्ती पण्णत्ता?
गोयमा चउबिहा भासानिव्वत्ती पण्णत्ता, तं जहा-सच्चभासानिव्वत्ती, मोसमासानिव्वत्ती, सच्चामोसभासा निव्वत्ती, असच्चामोसभासानिव्वत्ती ।
एवं एगिदियवज्जं जस्स जा भासा जाव वेमाणियाणं ।। ५७. कतिविहा णं भंते ! मणनिव्वत्ती पण्णत्ता? ।
गोयमा ! चउविवहा मणनिव्वत्ती पण्णत्ता तं जहा—सच्चमणनिव्वत्ती जाव
असच्चामोसमणनिव्वत्ती! एवं एगिदियविलिदियवज्जं जाव वेमाणियाणं ।। ८८. कतिविहा ण भंते ! कसायनिव्वत्ती पण्णता ?
गोयमा ! चउव्विहा कसायनिव्वत्तो पण्णत्ता, तं जहा-कोहकसायनिव्वत्ती
जाव लोभकसायनिव्वत्ती! एवं जाव वेमाणियाणं ।। ५६. कतिविहाणं भंते ! वण्णनिव्वत्ती पण्णत्ता ?
गोयमा! पंचविहा बण्णनिव्वत्तीतं जहा--कालावण्णनिवत्ती जाव सक्किलावण्णनिव्वत्ती। एवं निरवसेसं जाव वेमाणियाणं! एवं गंधनिव्वत्ती दुविहा जाव वेमाणियाणं । रसनिव्वत्ती पंचविहा जाव वेमाणियाणं । फासनिव्वत्ती
अट्टविहा जाव वेमाणियाणं ।। १०. कतिविहा णं भंते ! संठाणनिव्वत्ती पण्णता?
गोयमा ! छविहा संठाणनिब्धत्ती पण्णता, तं जहा-समचउरससंठाणनिव्वत्ती जाव हुंडसंठाणनिव्वत्ती !!
१. एवं जाव (अ, क, ख, ता, ब, म, स)।
२. दिदियाणि (ता)।
Jain Education International
For Private & Personal Use Only
www.jainelibrary.org
