Page Text
________________
सोलसमं सतं (पंचमो उद्देसो)
७२३ ६०. तए णं से गंगदत्ते देवे समणस्स भगवो महावीरस्स अंतिए धम्म सोच्चा
निसम्म हट्ठतुढे उट्ठाए उद्वेइ, उद्वेत्ता समणं भगवं महावीरं वंदइ नमसइ, वंदित्ता नमंसित्ता एवं वयासी- अहण्णं भंते ! गंगदत्ते देवे किं भवसिद्धिए ? अभवसिद्धिए? "सम्मदिदी? मिच्छदिट्टी? परित्तसंसारिए ? अणंतसंसारिए ? सुलभवोहिए ? दुल्लभबोहिए ? आराहए ? विराहए ? चरिमे ? अचरिमे ? गंगदत्ताइ ! समणे भगवं महावीरे गंगदत्तं देवं एवं वयासी ---गंगदत्ता ! तुमण्णं भवसिद्धिए, नो अभवसिद्धिए। सम्मदिट्ठी, नो मिच्छदिट्ठी। परित्तसंसारिए, नो अणंतसंसारिए । सुलभबोहिए, नो दुल्लभबोहिए । पाराहए, नो
विराहए ! चरिमे, नो अचरिमे ।। गंगदत्तदेवेण नट्ट-उवदंसण-पदं ६१. तए णं से गंगदत्ते देवे समणेणं भगवया महावीरेणं एवं वुत्ते समाणे हट्ठतुट्ठचित्त
माणदिए पीइमणे परमसोमणस्सिए हरिसवसविसप्पमाणहियए समणं भगवं महावीरं वंदइ नमसइ, वंदित्ता नमंसित्ता एवं वयासी-तुब्भे णं भंते ! सव्वं जाणह सव्वं पासह, सव्वो जाणह सव्वओ पासह, सव्वं कालं जाणह सव्वं कालं पासह, सव्वे भावे जाणह सव्वे भावे पासह । जाणंति णं देवाणुप्पिया ! मम पुवि वा पच्छा बा ममेयरूवं दिव्वं देविड्ढि दिव्वं देवजुइं दिव्वं देवाणुभावं लद्धं पत्तं अभिसमण्णागयं ति, तं इच्छामि णं देवाणप्पियाणं भत्तिपूव्वगं गोयमातियाणं समणाणं निग्गंथाणं दिव्वं देविडिंढ
दिव्वं देवजुइं दिव्वं देवाणुभावं दिव्वं बत्तीसतिबद्धं नट्टविहिं उवदंसित्तए । ६२. तए णं समणे भगवं महावीरे गंगदत्तेणं देवेणं एवं वुत्ते समाणे गंगदत्तस्स देवस्स
एयमटुं नो आढाइ, नो परियाणइ, तुसिणीए संचिट्ठति ।। ६३. तए णं से गंगदत्त देवे समणं भगवं महावीरं दोच्चं पि तच्चं पि एवं वयासी
तुब्भे णं भंते ! सव्वं जाणह सव्वं पासह, सव्वो जाणह सवओ पासह, सव्वं कालं जाणह सव्वं कालं पासह, सव्वे भावे जाणह सव्वे भावे पासह । जाणंति णं देवाणुप्पिया ! मम पुब्वि वा पच्छा वा ममेयरूवं दिव्यं देविडिंढ दिव्वं देवजुई दिव्वं देवाणुभावं लद्धं पत्तं अभिसमण्णागयं ति, तं इच्छामि णं देवाणप्पियाणं भत्तिपुठ्वगं गोयमातियाणं सभणाणं निग्गंथाणं दिव्वं देविडिढ दिव्वं देवजुइं दिव्वं देवाणुभावं दिव्वं बत्तीसतिबद्धं नट्टविहिं उवदंसित्तए त्ति कटु ° जाव बत्तीसतिबद्धं नट्टविहिं उवदंसेति, उवदसेत्ता जाव' तामेव दिसं पडिगए।
१. सं० पा०—एवं जहा सूरियाभो।
२. राय० सू० ६५-१२० ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |