________________
मगवई
३५. कति णं भंते ! अणुत्तरविमाणा पण्णता ?
गोयमा ! पंच अणुत्तरविमाणा पण्णत्ता। 'ते णं भंते ! कि संखेज्जवित्थडा ? असंखेज्जवित्थडा ?
गोयमा" ! संखेज्जवित्थडे य असंखेज्जवित्थडा य ।। ३६. पंचसु णं भंते ! अणुत्तरविमाणेसु संखेज्जवित्थडे विमाणे एगसमएणं केवतिया
अणुत्तरोववाइया उववज्जंति ? केवतिया सुक्कलेस्सा उववज्जति-पुच्छा तहेव। गोयमा ! पंचसु णं अणुत्तरविमाणेसु संखेज्जवित्थडे अणुत्तरविमाणे एगसमएणं जहण्णणं एक्को वा दो वा तिण्णि वा, उक्कोसेणं संखेज्जा अणुत्तरोववाइया उववज्जंति, एवं जहा गेवेज्जविमाणेसु सांखेज्जवित्थडेसु, नवरं-किण्हपक्खिया, अभवसिद्धिया, तिसु अण्णाणेसु एए न उववज्जति, न चयंति, न वि पण्णत्त एसु भाणियन्वा, अचरिमा वि खोडिज्जति जाव संखेज्जा चरिमा पग्णत्ता, सेसं तं चेव ! असंखेज्जवित्थडेसु वि एए न भण्णंति, नवरं --अचरिमा अत्थि, सेसं जहा गेवेज्जएसु असंखेज्जवित्थडेसु जाव असंखेज्जा अचरिमा पण्णत्ता ।। चोयट्ठीए णं भंते ! असुरकुमारावाससयसहस्सेसु संखेज्जवित्थडेसु असुरकुमारावासेसु किं सम्मद्दिट्टी असुरकुमारा उववज्जंति ? मिच्छदिट्ठी असुरकुमारा उववज्जति ? एवं जहा रयणप्पभाए तिण्णि आलावगा भणिया' तहा भाणियव्वा । एवं असंखेज्जवित्थडेसु वि तिष्णि गमगा, एवं जाव गेवेज्जविमाणे, अणुत्तरविमाणेसु एवं चेव, नवरं-तिसु वि पालावएसु मिच्छादिट्ठी सम्मामिच्छादिट्ठी य न
भण्णंति, सेसं तं चेव ॥ ३८. से नूणं भंते ! कण्हलेस्से नीललेस्से जाव सुक्कलेस्से भवित्ता कण्हलेस्सेसु देवेसु
उववज्जति ? हंता गोयमा ! एवं जहेब नेरइएसु पढमे उद्देसए' तहेव भाणियब्वं । नीललेस्साए वि जहेव नेरइयाणं, जहा नीललेस्साए एवं जाव पम्हलेस्सेसु, सुक्कलेस्सेसु एवं चेव, नवरं-लेस्सहाणेसु विसुज्झमाणेसु-विसुज्झमाणेसु सुक्कलेस्सं परिणमंति,
परिणमित्ता सुक्कलेस्सेसु देवेसु उववज्जति । से तेणटेणं जाव उववज्जति ।। ३६. सेवं भंते ! सेवं भंते ! ति॥
१. X (अ, क, ख, ता, व, म) ! २. भ० १३।१४ ।
३. भ० १३।१८-२२ । ४. भ० ११५१ ।
Jain Education International
For Private & Personal Use Only
www.jainelibrary.org
