________________
बारसमं सतं (चउत्थो उद्देसो)
५५६ असंखेज्जपएसिया खंधा भवंति । संखेज्जहा कज्जमाणे एगयो संखेज्जा परमाणुपोग्गला, एगयो असंखेज्जपएसिए खंधे भवइ; अहवा एगयो संखेज्जा दुपएसिया खंधा, एगयनो असंखेज्जपएसिए खंधे भवइ; एवं जाव अहवा एगयो संखेज्जा दसपएसिया खंधा, एगयो असंखेज्जपएसिए खंधे भवइ; अहवा एगयो संखेज्जा संखेज्जपएसिया खंधा, एगयो असंखेज्जपएसिए खंधे भवइ; अहवा संखेज्जा असंखेज्जपएसिया खंधा भवंति । असंखेज्जहा कज्जमाणे असंखेज्जा परमाणुपोग्गला भवंति ॥ अणंता णं भंते ! परमाणुपोग्गला' 'एगयनो साहणंति, साहणित्ता कि भवइ? गोयमा ! अणंतपएसिए खंधे भवइ । से भिज्जमाणे दुहा वि तिहा वि जाव दसहा वि 'संखेज्जहा वि असंखेज्जहा वि' अणंतहा वि कज्जइ-दुहा कज्जमाणे एगयनो परमाणुपोग्गले एगयो अणंतपएसिए खंधे भवइ जाव अहवा दो अणंतपएसिया खंधा भवंति । तिहा कज्जमाणे एगयओ दो परमाणुपोग्गला, एगयो अणंतपएसिए खंधे भवइ; अहवा एगयनो परमाणुपोग्गले, एगयनो दुपएसिए खंधे, एगयो अणंतपएसिए खंधे भवइ जाव अहवा एगयनो परमाणुपोग्गले, एगयो असंखेज्जपएसिए खंधे, एगयओ अणंतपएसिए खंधे भवइ; अहवा एगयनो परमाणुपोग्गले, एगयो दो अणंतपएसिया खंधा भवंति; अहवा एगयो दुपएसिए खंधे, एगयनो दो अणंतपएसिया खंधा भवंति, एवं जाव अहवा एगयनो दसपएसिए खंधे, एगयो दो अणंतपएसिया खंधा भवंति; अहवा एगयो संखेज्जपएसिए खंधे, एगयो दो अणंतपएसिया खंधा भवंति; अहवा एगयो असंखेज्जपएसिए खंधे, एगयो दो अणंतपएसिया खंधा भवंति; प्रहवा तिण्णि अणंतपएसिया खंधा भवंति । चउहा कज्जमाणे एगयो तिण्णि परमाणुपोग्गला, एगयो अणंतपएसिए खंधे भवइ; एवं चउक्कसंजोगो जाव असंखेज्जगसंजोगो । एते सब्वे जहेव असंखेज्जाणं भणिया तहेव अणंताण वि भाणियव्वं, नवरं-एक्कं अणंतगं अब्भहियं भाणियव्वं जाव अहवा एगयो संखेज्जा संखेज्जपएसिया खंधा, एगयो अणंतपएसिए खंधे भवइ; अहवा एगयनो संखेज्जा असंखेज्जपएसिया खंधा, एगयो अणंतपएसिए खंधे भवइ; अहवा संखेज्जा अणंतपएसिया खंधा भवंति। असंखेज्जहा कज्जमाणे एगयो असंखेज्जा परमाणुपोग्गला, एगयनो अणंतपएसिए खंधे भवइ; अहवा एगयो असंखेज्जा दुपएसिया खंधा, एगयओ अणंतपएसिए खंधे भवइ जाव अहवा
१. सं० पा०-परमाणुपोग्गला जाव किं । २. संखेज्जाअसंखेज्ज (अ, क, ब, स); संखेज्जा
असंखेज्जा (ख, म): संखेज्जासंखेज्जा (ता)।
Jain Education International
For Private & Personal Use Only
www.jainelibrary.org
