Page Text
________________
५३४
भगवई
समुप्पन्ने, देवलोएसु णं देवाणं जहण्णणं दस वाससहस्साई ठिती पण्णत्ता, तेण परं समयाहिया, दुसमयाहिया जाव असंखेज्जसमयाहिया, उक्कोसेणं दससागरोवमाइं ठिती पण्णता । तेण परं वोच्छिण्णा देवा य देवलोगा य--एवं संपेहेइ, संपेहेत्ता पायावणभूमीनो पच्चोरुहइ, पच्चोरुहित्ता 'तिदंडं च कुडियं च' जाव धाउरत्तानो य गेहइ, गेण्हित्ता जेणेव पालभिया नगरो, जेणेव परिवायगावसहे, तेणेव उवागच्छइ, उवागच्छित्ता भंडनिक्लेव करेइ, करेत्ता आलभियाए नगरीए सिंघाडग'-तिग-चउक्क-चच्चर-च उम्मुह-महापह-पहेसु अण्णमण्णस्स एवमाइवखइ जाव परूवेइ अस्थि णं देवाणुप्पिया ! ममं अतिसेसे नाणदंसणे समुप्पन्ने, देवलोएसु णं देवाण जहणणं दसवाससहस्साई "ठिती पण्णत्ता, तेण परं समयाहिया, दूसमयाहिया, जाव असंखेज्जसमयाहिया, उक्कोसेणं दससागरोवमाई ठिती पण्णत्ता । तेण परं० वोच्छिण्णा देवा य देवलोगा य ।। तए गं पोग्गलस्स परिव्वायगस्स अंतियं यमर्स्ट सोच्चा निसम्म आलभियाए नगरीए सिंघाडग-तिग-चउक्क-चच्चर-चउम्मुह-महापह-पहेसुबहुजणो अण्णमएणस्स एवमाइक्खइ जाव परूवेइ-एवं खलू देवाणु प्पिया ! पोग्गले परिव्वायए एवमाइक्खइ जाव परूवेइ अत्थि णं देवाणुप्पिया ! ममं अतिससे नाणदंसणे समुप्पन्ने, एवं खलु देवलोएसु ण देवाणं जहणेणं दसवाससहस्साई ठितो पण्णत्ता, तेण परं समयाहिया, दुसमयाहिया जाव असंखेज्जसमयायिा, उक्कोसेणं दससागरोवमाइं ठिती पण्णत्ता । तेण परं वोच्छिगणा देवा य देवलोगा य ।
से कहमेयं मन्ने एवं? १६०. सामी समोसढे', 'परिसा निग्गया। धम्मो कहियो, परिसा पडिगया। भगवं
गोयमे तहेव भिक्खायरियाए तहेव बहुजणसई निसामेइ, निसामेत्ता तहेव सव्वं भाणियव्वं जाव' अहं पुण गोयमा ! एवमाइक्खामि, एवं भासामि जाव परूवेमि–देवलोएसु णं देवाणं जहणणं दस वाससहस्साइं ठिती पण्णत्ता, तेण परं समयाहिया, दुसमयाहिया जाव असंखेज्जस मया हिया, उक्कोसे तेत्तीसं
सागरोवमाइं ठिती पण्णत्ता । तेण परं वोच्छिण्णा देवा य देवलोगा य ।। १९१. अत्थि णं भंते ! सोहम्मे कप्पे दव्वाइं-सवण्णाई पि अवण्णाई पि, “सगंधाई
पि अगंधाइं पि, सरसाइं पि अरसाइं पि, सफासाइं पि अफासाई
१. तिदंडकुंडियं (अ. क, ख, ता, ब, म, स)| २. भ० २।३१। ३. सं० पा०-सिंघाडग जाव पहेसु । ४. सं० पा०–तहेव जाव वोच्छिण्णा ।। ५. सं० पा०—आलभियाए नगरीए एवं एएणं
अभिलावेणं जहा सिवस्स तं चेव जाव से । ६. सं० पा०-समोसढे जाव परिसा । ७. भ० १११७५-७७ । ८. सं० पा०-तहेव जाव हंता ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |