Page Text
________________
४४०
भगवई
१६१. तए णं ते कोडुवियपुरिसा जमालिणा खत्तियकुमारेणं एवं वुत्ता समाणा' 'चाउ
घंट आस रहं जुत्तामेव उवट्ठवेंति, उवट्ठवेत्ता तमाणत्तियं ° पच्चप्पिणंति ! १६२. तए णं से जमाली खत्तियकुमारे जेणेव मज्जणघरे तेणेव उवागच्छइ, उवाग
च्छित्ता हाए कयवलिकम्मे जाव चंदणुक्खित्तगायसरीरे' सव्वालंकारविभूसिए मज्जणघरानो पडिनिक्खमइ, पडिनिक्खमित्ता जेणेव बाहिरिया उवट्ठाणसाला, जेणेव चाउग्घंटे पास रहे तेणेव उवागच्छ इ, उवागच्छित्ता चाउग्धंट प्रासरह दुरुहइ, दुरुहित्ता सकोरंटमल्लदामेणं छत्तेणं धरिज्जमाणेणं, महयाभडचडकरपहकरवंदपरिक्खित्ते खत्तियकुंडग्गामं नगरं मझमझेणं निग्गच्छइ, निग्गच्छित्ता जेणेव माहणकुंडग्गामे नयरे, जेणेव बहुसालए चेहए तेणेव उवागच्छइ, उवागच्छित्ता तुरा निगिण्हेइ, निगिण्हेत्ता रहं ठवेइ, ठवेत्ता रहाम्रो पच्चोरुहति, पच्चोहित्ता पुप्फतंबोलाउहमादियं पाहणाओ य विसज्जेति, विसज्जेत्ता एगसाडियं उत्तरासंगं करेइ, करेत्ता यायंते चोक्खे परमसुइभूए अंजलिमउलियहत्थे जेणेव समणे भगवं महावीरे तेणेव उवागच्छइ, उवागच्छित्ता समर्ण भगवं महावीरं तिवखुत्तो पायाहिण-पायाहिणं करेइ, करेसा बंदइ नमसइ,
वंदित्ता नमंसित्ता तिविहाए पज्जुवासणाए पज्जुवासइ ।। १६३. तए णं समणे भगवं महावीरे जमालिस्स खत्तियकुमारस्स, तीसे य महतिमहा
लियाए इसि परिसाए मुणिपरिसाए जइपरिसाए देवपरिसाए अणेगसयाए अणे गसयवंदाए अणेगसयवंदपरियालाए पोहबले अइवले महब्बले अपरिमियवलवीरिय-तेय-माहप्प-कति-जुत्ते सारय-नवत्थणिय-महुरगंभीर-कोचणिग्घोस-दंदुभिस्सरे उरे वित्थडाए कंठे वट्टियाए सिरे समाइण्णाए अगरलाए अमम्मणाए सुव्वत्तक्खर-सषिणवाइयाए पुण्णरत्ताए सव्वभासाणुगामिणीए सरस्सईए जोयणणीहारिणा सरेण अद्धमागहाए भासाए भासइ-धम्म परिकहेइ ° जाव परिसा पडिगया ।।
१. संपा०----समारणा जाव पच्चप्पिणति । ३. चंदरगोकिषण (ता,म); चंदणोखिप्पा (ब) २. जाव ओववाइए परिसावण्णओ तहा भाणि- ४. दूहइ (अ, ता, ब); ब्रुति (क) । यवं जाव (अ, क, ता, ब, म, स); मज्जन- ५. संकोरंट (म, स)। गृहप्रकरणे परिवारवानस्य सूचना स्वाभा- ६. वाहणाओ (अ, म); पाणहाओ (क); वाणविकी नास्ति, अतः प्रतीयते अत्र पाठसंक्षेपी- हाओ (स) । करणे कश्चिद् विपर्ययो जातः । न च एतद्- ७. अंजलितमउ० (ता)। रूपेणासौ पाठः औपपातिके लभ्यते, अतए- ८. सं० पा० ---करेत्ता जाव तिविहाए। वासौ पाठान्तरत्वन स्वीकृतः । द्रष्टव्यम्- ६. सं० पा०--इसि जाव धम्मकहा। ओ० सू० ६३ ।
१०. ओ० सू० ७१-७६ 1
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |