________________
४१२
भगवई
६५. से णं भंते ! किं सकसाई होज्जा ? अकसाई होज्जा?
गोयमा ! सकसाई वा होज्जा, अकसाई वा होज्जा । जइ अकसाई होज्जा कि उवसंतकसाई होज्जा ? खीणकसाई होज्जा ? गोयमा ! नो उवसंतकसाई होज्जा, खीणकसाई होज्जा। जइ सकसाई होज्जा से णं भंते ! कतिसु कसाएस होज्जा ? गोयमा ! चउसु वा तिसु वा दोसु वा एक्कम्मि वा होज्जा। च उसु होमाणे चउसु-संजलणकोह-माण-माया-लोभेसु होज्जा, तिसु होमाणे तिसु-संजलणमाण-माया-लोभेसु होज्जा, दोसु होमाणे दोसु-संजलणमाया-लोभेसु होज्जा,
एगम्मि होमाणे एगम्मि -संजलणलोभे होज्जा ।। ६६. तस्स णं भंते ! केवतिया अज्झवसाणा पण्णत्ता?
गोयमा! असंखेज्जा अज्भवसाणा पणत्ता ।। ६७. ते णं भंते ! किं पसत्था ? अप्पसत्था ?
गोयमा ! पसत्था, नो अप्पसत्था । ६८. से णं भंते ! तेहिं पसत्थेहि अज्झवसाणेहि वड्ढमाणेहि अणंतेहिं ने रइय
भवग्गहणेहितो अप्पाणं विसंजोएइ, अणंतेहि तिरिक्खजोणियभवग्गहणेहितो अप्पाणं विसंजोएइ, अणंतेहिं मणुस्सभवग्गणेहितो अप्पाणं विसंजोएइ, अणंतेहिं देवभवग्गहणेहितो अप्पाणं विसंजोएइ । जानो वि य से इमानो नेरइय-तिरिक्खजोणिय-मणुस्स-देवगतिनामारो चत्तारि उत्तरपगडीग्रो, तासिं च णं ओवग्गहिए अणंताणुबंधी कोह-माण-माया-लोभे खवेइ, खवेत्ता अपच्चक्खाणकसाए कोह-माण-माया-लोभे खवेइ, खवेत्ता पच्चक्खाणावरणे कोह-माण-माया-लोभे खवेइ, खवेत्ता संजलणे कोह-माण-माया-लोभे खवेइ, खवेत्ता पंचविहं नाणावरणिज्ज, नवविहं दरिसणावरणिज्जं, पंचविहं अंतराइयं तालमत्थाकडं च णं मोहणिज्ज कटु कम्मरयविकिरणकरं अपुवकरण अणुपविट्ठस्स अणते अणुत्तरे निव्वाधाए निरावरणे कसिणे पडिपुण्णे'
केवलवरनाण-दंसणे समुप्पज्जइ॥ ६६. से गं भंते ! केवलिपग्णत्तं धम्म आघवेज्ज वा ? पण्णवेज्ज वा ? परूवेज्ज
वा?
हंता आघवेज्ज वा, पण्णवेज्ज वा, परवेज्ज वा ।। ७०. से णं भंते ! पवावेज्ज वा ? मुंडावेज्ज वा ?
हंता पव्वावेज्ज वा, मुंडावेज्ज वा ।। १. सं० पा०—एवं जहा असोच्चाए तहेव जाव २. वा तस्स रा मते ! सिस्सा वि पव्वावेज्ज वा केवल ।
मुंडावेज्ज वा हंता पवावेज्ज वा मुंडावेज्ज वा (क, ता, ब)।
Jain Education International
For Private & Personal Use Only
www.jainelibrary.org
