________________
नवमं सतं (एगतीसइमो उद्देसो)
४११ ५६. से णं भंते ! कतिसु लेस्सासु होज्जा?
गोयमा ! छसु लेस्सासु होज्जा, तं जहा-कण्हलेस्साए जाव सुक्कलेस्साए । ५७. से णं भंते ! कतिसु नाणेसु होज्जा ?
गोयमा ! तिसु वा, चउसु वा होज्जा । तिसु होमाणे' आभिणिबोहियनाणसुथनाण-अोहिनाणेसु होज्जा, चउसु होमाणे प्राभिणिबोहियनाण-सुयनाण
ओहिनाण-मणपज्ज वनाणेसु होज्जा ।। ५८, से णं भंते ! कि सजोगी होज्जा ? अजोगी होज्जा ?
गोयमा ! सजोगी होज्जा, नो अजोगी होज्जा । जइ सजोगी होज्जा, कि मणजोगी होज्जा ? वइजोगी होज्जा ? कायजोगी होज्जा ?
गोयमा ! मणजोगी वा होज्जा, वइजोगी वा होज्जा, कायजोगी वा होज्जा । ५६. से णं भंते ! कि सागारोव उत्ते होज्जा ? अणागारोवउत्ते होज्जा ?
गोयमा ! सागारोवउत्ते वा होज्जा, अणागारोवउत्ते वा होज्जा ।। ६०. से णं भंते ! कयरम्मि संघयणे होज्जा ?
गोयमा ! वइरोस भनारायसंघयणे होज्जा ।। ६१. से णं भंते ! कयरम्मि संठाणे होज्जा ?
गोयमा ! छण्हं संठाणाणं अण्णयरे संठाणे होज्जा । ६२. से णं भंते ! कयरम्मि उच्चत्ते होज्जा ?
गोयमा ! जहण्णेणं सत्तरयणीए, उक्कोसेणं पंचधणुसतिए होज्जा। ६३. से गं भंते ! कयरम्मि पाउए होज्जा?
गोयमा ! जहणेणं सातिरेगट्ठवासाउए, उक्कोसेणं पुव्वकोडिअाउए होज्जा ॥ ६४. से णं भंते ! कि सवेदए होज्जा ? अवेदए होज्जा ?
गोयमा ! सवेदए वा होज्जा, अवेदए वा होज्जा । जइ अवेदए होज्जा कि उवसंतवेदए होज्जा ? खीणवेदए होज्जा ? गोयमा ! नो उवसंतवेदए होज्जा, खीणवेदए होज्जा। जइ सवेदए होज्जा कि इत्थीवेदए होज्जा ? पुरिसवेदए होज्जा ? 'पुरिसनपुंसगवेदए" होज्जा? गोयमा ! इत्थीवेदए वा होज्जा, पुरिसवेदए वा होज्जा, पुरिस-नपंसगवेदए वा होज्जा ॥
१. भ. १।१०२। २. होज्जमाणे (अ, क,)। ३. सं० पा०–एवं जोगो, उवओगो, संघयणं,
संठाणं, उच्चत्तं, पाउयं च–एयाणि
सव्वाणि जहा असोच्चार तहेव भाणिय
व्वाणि। ४. सं० पा०-पुच्छा । ५. नपुंसगवेदए (अ, म)।
Jain Education International
For Private & Personal Use Only
www.jainelibrary.org
