________________
भगवई
१२१. वादरा णं भंते ! जीवा कि नाणो ? जहा सकाइया ॥
नोबादरा णं भंते ! जीवा कि नाणी? जहा सिद्धा । पज्जत्तापज्जतं पडुच्च१२३. पज्जत्ता णं भंते ! जीवा कि नाणी ?
जहा सकाइया ॥ १२४. पज्जत्ता णं भंते ! नेरइया कि नाणी ?
तिण्णि नाणा, तिणि अण्णाणा नियमा। जहा नेरइया एवं थणियकुमारा ।
पूढविकाइया जहा एगिदिया। एवं जाव चरिदिया ।। १२५. पज्जत्ता णं भंते ! पंचिदियतिरिक्खजोणिया कि नाणी ? अण्णाणी?
तिण्णि नाणा, तिणि अण्णाणा-भयणाए । मणुस्सा जहा सकाइया । वाणमंतर
जोइसिय-वेमाणिया जहा ने रइया ।। १२६. अपज्जत्ता णं भंते ! जीवा कि नाणी? अण्णाणी?
तिण्णि नाणा, तिणि अण्णाणा-भयणाए। १२७. अपज्जत्ता णं भंते ! नेरइया कि नाणी? अण्णाणी ?
तिणि नाणा नियमा, तिण्णि अण्णाणा भयणाए। एवं जाव थणियकुमारा।
पुढविक्काइया जाव वणस्सइकाइया जहा एगिदिया ।। १२८. बेइंदियाणं पुच्छा।
दो नाणा, दो अण्णाणा-नियमा। एवं जाव पंचिदियतिरिक्खजोणियाणं ।। १२६. अपज्जत्तगाणं भंते ! मणुस्सा कि नाणी ? अण्णाणी?
तिण्णि नाणाइं भयणाए, दो अण्णाणाई नियमा। वाणमंतरा जहा नेरइया ।
अपज्जत्तगाणं जोइसिय-वेमाणियाणं तिण्णि नाणा, तिणि अण्णाणा-नियमा ।। १३०. नोपज्जत्तगा-नोअपज्जत्तगाणं भंते ! जोवा कि नाणी ?
जहा सिद्धा ॥ भवत्थं पडुच्च१३१. निरयभवत्था णं भंते ! जीवा किं नाणी ? अण्णाणी ?
जहा निरयगतिया ।। १३२. तिरियभवत्था णं भंते ! जीवा किं नाणी ? अण्णाणी ?
तिण्णि नाणा, तिण्णि अण्णाणा-भयणाए । १३३. मणुस्सभवत्था?
जहा सकाइया ॥
Jain Education International
For Private & Personal Use Only
www.jainelibrary.org
