________________
भगवई
य। जे तिण्णाणी ते आभिणिबोहियनाणी, सुयनाणी, प्रोहिनाणी, अहवा अभिणिबोहियनाणी, सुयनाणी, मणपज्जवनाणी । जे चउनाणी ते आभिणिबोहियनाणी, सुयनाणी, प्रोहिनाणी, मणपज्जवनाणी । जे एगनाणी ते नियमा केवलनाणी। जे अण्णाणी ते अत्थेगतिया दुअण्णाणी, अत्थेगतिया तिअण्णाणो । जे दुअण्णाणी ते मइअण्णाणी सुयअण्णाणी य । जे तिअण्णाणी ते मइअण्णाणो, सुयअण्णाणी,
विभंगनाणी ॥ १०५. नेरइया णं भंते ! कि नाणी? अण्णाणी?
गोयमा ! नाणी वि, अण्णाणी वि । जे नाणी ते नियमा तिण्णाणी, तं तहा--आभिणिबोहियनाणी, सुयनाणी, मोहिनाणी। जे अण्णाणो ते प्रत्थेगतिया दुअण्णाणी, अत्थेगतिया
तिअण्णाणी । एवं तिण्णि अण्णाणाणि भयणाए।। १०६. असुरकुमारा णं भंते ! कि नाणो ? अण्णाणो ?
जहेव नेरइया तहेव, तिणि नाणाणि नियमा, तिणि अण्णाणाणि भयणाए।
एवं जाव' थणियकुमारा। १०७. पुढविक्काइया णं भंते ! कि नाणी ? अण्णाणी ?
गोयमा ! नो नाणी, अण्णाणी। जे अण्णाणी ते नियमा दुअण्णाणी-मइ
अण्णाणी सुयअण्णाणी य । एवं जाव वणस्सइकाइया ।। १०८. बेइंदियाण पूच्छा।
गोयमा ! नाणी वि अण्णाणी वि। जे नाणी ते नियमा दुण्णाणी, तं जहा-श्राभिणिबोहियनाणी सुयनाणी य । जे अण्णाणी ते नियमा दुअण्णाणी, तं जहा -माइग्रगणाणी सुयअण्णाणी य ।
एवं तेइंदिय-चरिदिया वि ।। १०६. पंचिदियतिरिक्खजोणियाण पूच्छा।
गोयमा ! नाणी वि, अण्णाणो वि । जे नाणी ते अत्थेगतिया दुग्णाणी, प्रत्येगतिया तिण्णाणी। जे अण्णाणी ते अत्थेगतिया दुअप्णाणी, प्रत्थेगतिया तिअण्णाणी । एवं तिण्णि नाणाणि, तिपिण अण्णाणाणि भयणाए । मणुस्सा जहा जीवा, तहेव पंच नाणाणि, तिष्णि अण्णाणाणि भयणाए। वाणमंतरा जहा नेरइया । जोइसिय
वेमाणियाणं तिणि नाणाणि, तिणि अण्णाणाणि नियमा ।। ११०. सिद्धाणं भंते ! पूच्छा।
गोयमा ! नाणी, नो अण्णाणी ; नियमा एगनाणी-केवलनाणी ॥
१. पू०प० २
Jain Education International
For Private & Personal Use Only
www.jainelibrary.org
