Page Text
________________
सत्तमं सतं (दसमो उद्देसो)
३१३ णं आवाए नो भद्दए भवइ, तो पच्छा परिणममाणे-परिणममाणे सुरूवत्ताए सुवण्णत्ताए जाव सुहत्ताए–नो दुक्खत्ताए भुज्जो-भुज्जो परिणमइ । एवं खलु
कालोदाई ! जीवाणं कल्लाणा कम्मा' 'कल्लाणफलविवागसंजुत्ता कज्जति ॥ २२७. दो भंते ! पुरिसा सरिसया' •सरित्तया सरिव्वया' सरिसभंडमत्तोवगरणा
अण्णमण्णणं सद्धि अगणिकायं समारंभंति । तत्थ णं एगे पुरिसे अगणिकायं उज्जालेइ, एगे पुरिसे अगणिकायं निव्वावेइ । एएसि णं भंते ! दोण्हं पुरिसाणं कयरे पुरिसे महाकम्मतराए चेव ? महाकिरियतराए चेव ? महासवतराए चेव ? महावेयणतराए चेव ? कयरे वा पूरिसे अप्पकम्मत राए चेव ? 'अप्पकिरियतराए चेव ? अप्पासवतराए चेव ? ० अप्पवेयणत राए चेव ? जे वा से पुरिसे अगणिकायं उज्जालेइ, जे वा से पुरिसे अगणिकायं निव्वावे? कालोदाई ! तत्थ णं जे से पुरिसे अगणिकायं उज्जालेइ, से णं पुरिसे महाकम्मतराए चेव', 'महाकिरियत राए चेव, महासवतराए चेब, महावेयणतराए चेव । तत्थ णं जे से पुरिसे अगणिकायं निव्वावेइ, से णं पुरिसे अप्पकम्मतराए
चेव', 'अप्पकिरियतराए चेव अप्पासवतराए चेव °, अप्पवेयणत राए चेव ।। २२८. से केणटेणं भंते ! एवं वुच्च इ--तत्थ णं जे से पुरिसे 'अगणिकायं उज्जालेइ,
से णं पुरिसे महाकम्मतराए चेव ? महाकिरियतराए चेव ? महासवतराए चेव ? महावेयणतराए चेव ? तत्थ पंजे से पुरिसे अगणिकायं निव्वावेइ, से णं पूरिसे अप्पकम्मतराए चेव ? अप्पकिरियतराए चेव ? अप्पासवतराए चेव° ? अप्पवेयणतराए चेव ? कालोदाई ! तत्थ णं जे से पुरिसे अगणिकायं उज्जालेइ, से णं पुरिसे बहतरागं पुढविक्कायं समारभति, बहुतरागं आउक्कायं समारभति, अप्पतरागं तेउक्कायं समारभति, बहुत राग वाउकायं समारभति, बहुतराग वणस्सइकायं समारभति, बहुतरागं तसकायं समारभति । तत्थ णं जे से पुरिसे अगणिकायं निव्वावेइ, से णं पुरिसे अप्पतरागं पुढविकायं समारभति, अप्पतरागं आउक्कायं समारभति, बहुतरागं तेउक्कायं समारभति, अप्पतरागं वाउकायं समारभति, अप्पत रागं वणस्सइकायं समारभति, अप्पतरागं तस कार्य समारभति । से तेणटेणं कालोदायी ! • •एवं वुच्चइ–तत्थ णं
जे से पुरिसे अगणिकायं उज्जालेइ, से णं पुरिसे महाकम्मतराए चेव, महा१. सं० पा०—कम्मा जाव कज्जति । ५. सं० पा०-चेव जाव अप्पवेयण । २. सं० पा०--सरिसया जा सरिसभंड° । ६. सं० पा०..-पुरिसे जाब अप्पवेयरण । ३. सं० पा०--चेव जाव अप्पवेयण । ७. सं० पा० --कालोदायी जाव अपवेयण । ४. सं० पा०-चेव जाव महावेयरण ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |