________________
३१२
भगवई
कालोदाइस्स कम्मादिविसए पसिण-पदं २२२. तेणं कालेणं तेणं समएणं रायगिहे नाम नगरे, गुणसिलए चेइए । तए णं समणे
भगवं महावीरे अण्णया कयाइ जाव समोसढे, परिसा जाव' पडिगया ॥ २२३. तए णं से कालोदाई अणगारे अण्णया कयाइ जेणेव समणे भगवं महावीरे तेणेव
उवागच्छति, उवागच्छित्ता समणं भगवं महावीरं वंदइ नमसइ, वंदित्ता नमसित्ता एवं वयासी-अस्थि णं भंते ! जीवाणं पावा कम्मा पावफलविवागसंजुत्ता कज्जति ? हंता अस्थि ॥ कहाणं भंते ! जीवाणं पावा कम्मा पावफलविवागसंजुत्ता कज्जति ? कालोदाई ! से जहानामए केइ पुरिसे मणुण्णं थालीपागसुद्धं अट्ठारसवंजणाकुलं विससंमिस्सं भोयणं भुजेज्जा, तस्स णं भोयणस्स आवाए भद्दए भवइ, तओ पच्छा परिणममाणे-परिणममाणे दुरूवत्ताए, दुवण्णत्ताए, दुगंधत्ताए जाव' दुक्खत्ताए–नो महत्ताए भुज्जो-मुज्जो परिणमति । एवामेव कालोदाई ! जीवाणं पाणाइवाए जाव' मिच्छादसणसल्ले, तस्स णं आवाए भद्दए भवइ, तो पच्छा 'विपरिणममाणे-विपरिणममाणे" दुरूवत्ताए दुवण्णत्ताए दुगंधत्ताए जाव दुक्खत्ताए–नो सुहत्ताए भुज्जो-भुज्जो परिणमति । एवं खलु कालोदाई !
जीवाणं पावा कम्मा 'पावफलविवागसंजुत्ता कज्जति । २२५. अस्थि णं भंते ! जीवाणं कल्लाणा कम्मा कल्लाणफलविवागसंजुत्ता कज्जति ?
हंता अस्थि ।। २२६.
कहण्णं भंते ! जीवाणं कल्लाणा कम्मा 'कल्लाणफलविवागसंजुत्ता कज्जति ? कालोदाई ! से जहानामए केइ पुरिसे मणुण्णं थालीपागसुद्धं अट्ठारसवंजणाकुलं प्रोसहमिस्स भोयणं भुजेज्जा, तस्स णं भोयणस्स आवाए नो भद्दए भवइ, तो पच्छा परिणममाणे-परिणममाणे सुरूवत्ताए सुवण्णत्ताए जाव' सुहत्ताए - नो दुक्खत्ताए भुज्जो-भुज्जो परिणमति । एवामेव कालोदाई ! जीवाणं पाणाइवायवेरमणे जाव परिग्गहवे रमणे कोहविवेगे जाव" मिच्छादसणसल्लविवेगे, तस्स
१. भ० १७1
७. फलविवाग जाव कज्जति (अ); फल जाव २. भ० श।
__ कज्जति (क, ता)। ३. जहा महस्सवए जाव (अ, क, ता, ब, म, ८. सं० पा०-कम्मा जाव कज्जंति । स); भ०६।२०।
६. भ० ६१२२ । ४. भ० ११३८४ ।
१०. भ० १३८५। ५. तस्य प्रारणातिपातादे: (ब)।
११. ठा० ११११५-१२५ । ६. परिणममाणे-परिणममाणे (अ, क, ता, म)।
Jain Education International
For Private & Personal Use Only
www.jainelibrary.org
