Page Text
________________
भगवई
'दामेणं छत्तेणं धरिज्जमाणेणं, अणेगगणनायग'- 'दंडनायग-राईसर-तलवरमाडंबिय-कोडुबिय-इन्भ-सेट्ठि-सेणावइ-सत्थवाह -दूय-संधिपालसद्धि' संपरिवुडे मज्जणघरानो पडिनिक्खमति, पडिनिक्खमित्ता जेणेव बाहिरिया उवट्ठाणसाला, जेणेव चाउरघंटे पास रहे तेणेव उवागच्छइ, उवागच्छित्ता चाउग्घंट प्रासरहं दुरुहइ', दुरुहित्ता हय-गय-रह- पव रजोहकलियाए चाउरंगिणीए सेणाए सद्धि संपरिवुडे, महयाभडचडग रविंदपरिक्खित्ते जेणेव रहमुसले संगामे तेणेव
उवागच्छइ, उवागच्छित्ता रहमुसल संगामं प्रोयाए । १६७. तए णं से वरुणे नागनत्तुए रहमुसलं संगाम अोयाए समाणे अयमेयारूवं अभिग्गहं
अभिगेण्हइ-कप्पति मे रहमुसलं संगामं संगामेमाणस्स जे पुवि पहणइ से पडिहणित्तए', अवसेसे नो कप्पतीति; अयमेयारूवं अभिग्गहं अभिगेण्हइ अभिगेण्हेत्ता
रहमुसलं संगाम संगामेति ।। १६८. तए णं तस्स वरुणस्स नागनत्तुयस्स रहमुसलं संगामं संगामेमाणस्स एगे पुरिसे
सरिसए 'सरित्तए सरिव्वए' सरिसभंडमत्तोवगरणे रहेणं पडिरहं हन्वमागए ।। १६६. तए णं से पुरिसे वरुणं नागनत्तुयं एवं वदासी-पहण भो वरुणा ! नागनत्तुया !
पहण भो वरुणा ! नागनत्तुया ! २००. तए णं से वरुण नागनत्तुए तं पुरिसं एवं वदासी-नो खलु मे कप्पइ देवाण
पिया ! पुवि अयस्स पहणित्तए, तुमं चेव णं पुब्बि पहणाहि ॥ २०१. तए णं से पुरिसे वरुणेणं नागनत्तुएणं एवं वुत्ते समाणे आसुस्ते 'रुटे कुविए
चंडिविकए मिसिमिसेमाणे धणु परामुसइ, परामुसित्ता उसु परामुसइ, परामुसित्ता ठाणं ठाति, ठिच्चा पाययकण्णाययं उस करेइ, करेत्ता वरुणं नागनत्तयं
गाढप्पहारीकरेइ ।। २०२. तए णं से वरुणे नागनत्तुए तेणं पुरिसेणं गाढप्पहारीकए समाणे आसुरुत्ते'
•रुटे कुविए चंडिक्किाए मिसिमिसेमाणे धणु परामुसइ, परामु सित्ता उसं परामुसइ, परामुसित्ता प्राययकण्णाययं उस करेइ, करेत्ता तं पुरिसं एगाहच्चं
कूडाहच्चं जीवियाग्रो ववरोवेइ ।। २०३. तए णं से वरुणे नागनत्तुए तेणं पुरिसेणं गाढप्पहारीकए समाणे अत्थामे अवले
अवीरिए अपुरिसक्कारपरक्कमे अधारणिज्जमिति कटु तुरए निगिण्हइ, निगिण्हित्ता रहं परावत्तेइ, परावत्तेत्ता रहमुसलामो संगामामो पडिनिक्खमति,
१. सं० पा०-अणेगगणनायग जाव दूय । २. संधिवाल० (अ, क, ब, म); संधिवालंग०
(ता)। ३. द्रुहेति (क); द्रुति (ता, ब)। ४. सं० पा०-रह जाव संपरिवुडे !
५. गर जाव परिक्खित्ते (अ, क, ता, ब, म, स) ६. पडिपह० (ता) । ७. सरिसत्तए सरिसवए (क) । ८. सं० पा०-आसुरुत्ते जाव मिसि । ६. सं० पा.-आसुरुते जाव मिसि ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |