Page Text
________________
१४६
भगवई
'जं में' दोच्चे पुडए पडइ, कप्पइ मे तं काग-सुणयाणं' दलइत्तए । 'जं मे तच्चे पुडए पडइ, कप्पइ मे तं मच्छ कच्छभाणं दलइत्तए । जं मे चउत्थे पुडए पडइ, कप्पइ मे तं अप्पणा आहारं आहारेत्तए -त्ति कट्टु एवं संपेहेइ, संपेहेत्ता कल्लं पाउप्पभायाए रथणीए तं वेव निरवसेसं जाव जं से चउत्थे पुडए पडइ, तं पणा प्रहारं आहारेइ ||
१०३. तए गं से पूरणे बालतवस्सी तेणं ओरालेणं विउलेणं पयत्तेणं पग्गहिएणं बालतवोकम्मेणं' 'सुक्के लक्खे निम्मंसे ऋट्टि - चम्मावद्धे किडिकडियाभूए किसे धर्माणिसंतए जाए यावि होत्था ||
१०४. तए णं तस्स पूरणस्स बालतवस्सिस्स अण्णया कयाइ पुव्व रत्तावरत्तकाल समयंसि प्रणिच्चजागरियं जागरमाणस्स इमेयारूवे प्रभत्थिए चितिए पत्थिए मणोगए संकप्पे समुप्पज्जित्था -- एवं खलु अहं इमेणं प्रोरालेणं विपुलेणं पयत्तेणं पग्गहिएवं कल्लाणं सिवेणं धन्नेणं मंगल्लेणं सस्सिरीएण उदग्गेणं उदत्तेणं उत्तमेणं महाणुभागेणं तवोकम्मेणं सुक्के लुक्खे जाव धर्माणिसंतए जाए, तं प्रत्थि जा मे उट्टा कम्मे बले वीरिए पुरिसक्कार-परक्कमे तावता मे सेयं कल्लं पाउप्पभायाए रयणीए जाव' उद्वियम्मि सूरे सहस्सरस्सिम्मि दिणयरे तेयसा जलते बेभेलस सणित्रेस्स दिट्ठाभट्ठे य पासंडत्थे य हित्थे य पुव्वसंगतिए य परियायसंगतिए य आपुच्छित्ता बेभेलस्स सण्णिवेसस्स मज्भंमज्भेणं निग्गच्छित्ता, पादुग-कुंडिय-मादीयं उवगरणं चउप्पुडयं दारुमयं च पडिग्गहगं एगंते एडित्ता, वेभेलस्स सणिवेसस्स दाहिणपुरत्थिमे दिसीभागे अद्धनियत्तणिय-मंडल आलिहित्ता संहणा - भूसणा-भूसियस्स भत्तपाणपडियाइक्खियस्स पानोवगयस्स कालं अणवकखमाणस्स विहरित्तए त्ति कट्टु एवं संपेहेइ, संपेहेत्ता कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तेयसा जलते बेभेले सण्णवेसे दिट्ठाभट्ठे य पासंडत्थे य हित्थे य पुव्वसंगतिए य परियायसंगतिए य ग्रापुच्छ, प्रापुच्छित्ता बेभेलस्स सण्णिवेसस्स मज्भंमज्भेणं निग्गच्छइ, निग्गच्छित्ता पादुग-कुंडिय-मादीयं उवगरणं दारुमयं च पडिग्गहगं एगते एडेइ, एडेत्ता वेभेलस्स सष्णिवेसस्स दाहिणपुरत्थि मे दिसीभागे श्रद्धनियत्तणियमंडलं ग्रालिहित्ता संलेहणा - भूसणाभूसिए भत्तपाणपडिया इक्खिए पावगमणं निवण्णे ||
१०५. तेणं कालेणं तेणं समएणं ग्रहं गोयमा ! छउमत्थकालियाए एक्का रसवासपरियाए छटुंछट्टेणं अणिक्खित्तेणं तवोकम्मेणं संजमेणं तवसा अप्पाणं भावेमाणे पुव्वाणु
१. सुरणकारणं (क, ता); सुखगाणं (म ) | २. जम्मे (ता) ।
३. सं० पा० - तं चेव जाव बेभेलस्स 1
Jain Education International
४. भ० ३।३५ ।
५. भ० २।६६ |
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |