Page Text
________________
सइय सतं (बीओ उद्देसो)
१४५
१०१. तत्थ णं बेभेले सण्णिसे पूरणे नामं गाहावई परिवसइ-अड्ढे दित्ते' जाव'
बहुजणस्स अपरिभूए या वि होत्था । १०२. तए णं तस्स पूरणस्स गाहावइस्स अण्णया कयाइ पुन्वरत्तावरत्तकालसमयंसि
कटबजागरियं जागरमाणस्स इमेयारूवे अज्झथिए चिंतिए पत्थिए मणोगए संकप्पे समुप्पज्जित्था-अत्थि ता मे पुरा पोराणाणं सुचिण्णाणं सुपरक्कंताणं सुभाणं कल्लाणाणं कडाणं कम्माणं कल्लाणफल वित्तिविसेसे, जेणाहं हिरण्णणं वडढामि, सुवण्णणं बड्ढामि, धणेणं वड्ढामि, धण्णेणं वड्ढामि, पुत्तेहि वड्ढामि, पसूहि वड्ढामि, विपुलधण-कणग-रयण-मणि-मोत्तिय-संख-सिलप्पबाल-रत्तरयण-संतसारसावएज्जेणं अतीव-अतीव अभिवड्ढामि, तंकिणं अहं पुरा पोराणाणं सुचिण्णाणं जाव कडाणं कम्माणं एगंतसो खयं उवेहमाणे विहरामि ? तं जावताव' अहं हिरण्णेणं वड्ढामि जाव अतीव-अतीव अभिवड्ढामि, जावं च मे मित्त-नाति-नियग-सयण-संबंधि-परियणो आढाति परियाणाइ सक्कारेइ सम्माणेइ कल्लाणं मंगलं देवयं विणएणं चेइयं पज्जुवासइ, तावता मे सेयं कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलंते सयमेव चउप्पुडयं दारुमयं पडिग्गहगं करेत्ता, विउलं असण-पाणखाइम-साइमं उवक्खडावेत्ता, मित्त-नाइ-नियग-सयण-संबंधि-परियणं आमंतेत्ता, तं मित्त-नाइ-निय ग-सयण-संबंधि-परियण विउलेणं असण-पाण-खाइम-साइमेणं वत्थ-गंध-मल्लालंकारेण य सक्कारेत्ता सम्माणेत्ता, तस्सेव मित्त-नाइ-नियगसयण-संबंधि-परियणस्स पुरनो जेट्टपुत्तं कुटुंबे ठावेत्ता, तं मित्त-नाइ-नियगसयण-संबंधि-परियणं जेट्टपुत्तं च आपुच्छित्ता°, सयमेव चउप्पुडयं दारुमयं पडिग्गहगं गहाय मुंडे भवित्ता दाणामाए पव्वज्जाए पव्वइत्तए । पब्वइए वि य णं समाणे इमं एयारूवं अभिग्गहं अभिगिहिस्सामि-कप्पइ मे जावज्जीवाए छदैछद्रेणं अणिक्खित्तेणं तवोकम्मेणं उड्ढं बाहाम्रो पगिझिय-पगिझिय सूराभिमुहस्स पायावणभूमीए आयावेमाणस्स विहरित्तए, छटुस्स वि य गं पारणंसि पायावणभूमीग्रो पच्चोरुभित्ता सयमेव चउप्पुडयं दारुमयं पडिगहगं गहाय बेभेले सण्णिवेसे उच्च-नीय-मज्झिमाई कुलाइं धरसमुदाणस्स भिक्खायरियाए अडित्ता जं मे पढमे पुडए पडइ, कप्पइ मे तं पंथे पहियाणं दलइत्तए।
१. सं० पा०--जहा तामलिस्स वत्तब्वया तहा २. भ० २१६४ ।
नेतन्वा, नवरं चउप्पुडयं दारुमयं पडिग्गहयं ३. भ० २१६६ । करेत्ता जाव विउलं असरगपाणखाइमसाइमं ४. सं० पा.---तुं चेव जाव आयावरण जाव सयमेव।
।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |