________________
पंचमो समवाओ
पंचमो समवाओ
१. पंच किरिया पण्णता, तं जहा.--काइया अहिगरणिया पाउसिआ पारियावणिआ
पाणाइवायकिरिया ।। २. पंच महत्वया पण्णत्ता, तं जहा:-सव्वाओ पाणाइवायाओ बेरमणं, सव्वाओ
मुसावायाओ' 'वेरमणं, सव्वाओ अदिन्नादाणाओ वेरमणं, सव्वाओ मेहुणाओ
वेरमणं, सव्वाओ परिग्गहाओ वेरमणं ।। ३. पंच कामगुणा पण्णत्ता, तं जहा -सद्दा रूवा रसा गंधा फासा ।। ४. पंच आसवदारा पण्णत्ता, त जहा - मिच्छत्तं अविरई 'पमाया कसाया जोगा ।। ५. पंच संवरदारा पणत्ता, तं जहा -- सम्मत्तं विरई अप्पमाया' अकसाया'
अजोगा। ६. पंच निज्जरवाणा' पण्णत्ता, तं जहा --पाणाइवायाओ वेरमणं, मुसावायाओ
वेरमणं, अदिन्न दाणाओ वेरमणं, मेहुणाओ वेरमणं, परिग्गहाओ वेरमणं ।। ७. पंच समिईओ पण्णत्ताओ, तं जहा-इरियासमिई भासासमिई एसणासमिई
आयाण-भंड-मत्त-निक्खेवणासमिई उच्चार-पासवण-खेल-सिंघाण-जल्ल-पारिद्रा
वणियासमिई ।। ८. पंच अस्थिकाया पण्णता, तं जहा -- धम्मत्थिकाए अधम्मत्थिकाए आगासत्थि
काए जीवत्थिकाए पोग्गलस्थिकाए ।। ६. रोहिणीनक्खत्ते पंचतारे पण्णत्ते ॥ १० पुणव्वसुनक्खत्ते पंचतारे पण्णत्ते॥ ११. हत्थनक्खत्ते पंचतारे १पणत्ते ।। १२. विसाहानक्खत्ते पंचतारे पण्णत्ते ।। १३. धणिवानक्खत्ते पंचतारे पण्णत्ते ।। १४. इमीसे ण रयणप्पभाए पुढवीए अत्थेगइयाणं ने रइयाणं पंच पलिओवमाई ठिई
पण्णत्ता । १५. तच्चाए णं पुढवीए अत्येगइया नेरइयाणं पंच सागरोवमाइं ठिई पण्णत्ता ।। १६. असुरकुमाराणं देवाणं अत्येगइयाणं पंच पलिओवमाइं ठिई पण्णत्ता।
१, सं० पा०-मुसावायाओ जाव सव्याओ। २. पडि० (ग)। ३. पमाए कसाए (क, ग)। ४. अप्पमाए (क); अप्पमादो (ग)। ५. अकसाए (क), अकसायया (ख, ग)।
६. अजोगया (ग)। ७. निज्जराद्वाणा (ग)। ८. हत्थे° (ग)। ६. X (क, ख, ग)।
Jain Education International
For Private & Personal Use Only
www.jainelibrary.org
