________________
पढमो समवाओ १. सुयं मे आउसं ! तेणं भगवया एवमक्खायं२. 'इह खलु समणेणं भगवया महावीरेणं आदिगरेणं तित्थगरेणं सयंसंबुद्धणं
पुरिसोत्तमेणं पुरिससीहेणं पुरिसवरपोंडरीएणं पुरिसवरगंधहत्थिणा लोगोत्तमेणं लोगनाहेणं लोगहिएणं लोगपईवेणं लोगपज्जोयगरेणं अभयदएणं चक्खदएणं मग्गदएणं सरणदएणं जीवदएणं धम्मदएणं धम्मदेसएणं धम्मनायगेणं धम्मसारहिणा धम्मवरचाउरंतचक्कवट्टिणा अप्पडियवरणाणदसणधरेणं वियदृच्छउमेणं जिणेणं जावएण' तिणेण तारएणं बुद्धणं बोहएणं मुत्तेणं मोयगेणं सव्वण्णुणा सव्वदरिसिणा सिवमयलमरुयमणंतमक्खयमव्वाबाहमपुणराबत्तयं सिद्धिगइनामधेयं ठाणं संपावि उकामेणं इमे दुवालसंगे गणिपिडगे पण्णत्ते, तं जहा-आयारे सूयगडे ठाणे समवाए विवा[आ ? ] हपन्नत्ती नायधम्मकहाओ उवासगदसाओ अंतगडदसाओ अणुत्तरोववाइयदसाओ पण्हावागरणाइं विवागसुए दिट्ठिवाए । तत्थ णं जे से चउत्थे अंगे समवाएत्ति आहिते, तस्स णं अयमद्वे, तं जहा'२
एगे आया । ५. एगे अणाया ॥ ६. एगे दंडे ॥ ७. एगे अदंडे ॥ ८. एगा किरिआ॥ ९. एगा अकिरिआ ।। १०. एगे लोए ।
१. जाणएणं (क)। २. कस्याञ्चिद् वाचनायामपरमपि सम्बन्धसूत्र-
मुपलभ्यते 'इह खलु समणेणं भगवया... अयमढे, तंजहा' (वृ)।
८२७
Jain Education International
For Private & Personal Use Only
www.jainelibrary.org
