________________
पइण्णगसमवाओ
१४६ विहाडगा अद्धभरहसामी सोमा रायकुल-वंस-तिलया अजिया अजियरहा हलमुसल-कणग-पाणी संख-चक्क-गय-सत्ति-नंदगधरा पवरुज्जल-सुक्कंत'-विमलगोथुभ-तिरीडधारी कुंडल-उज्जोइयाणणा पुंडरीय-णयणा एकावलि-कंठलइयवच्छा सिरिवच्छ-सुलंछणा वरजसा सव्वोउय-सुरभि-कुसुम-सुरइत-पलंबसोभंतकंत-विकसंत-चित्त-वरमाल-रइयवच्छा अट्ठसय-विभत्त-लक्खण-पसत्थ-सुंदरविरइयंगमंगा मत्तगयरिंद-ललिय-विक्कम-विलसियगई सारय-नवथणियमधुरगंभीर-कोचनिग्घोस-दुंदुभिसरा कडिसुत्तगनील-पीय-कोसेयवाससा पवरदित्ततेया' नरसीहा नरवई नरिंदा नरवसभा मरुयवसभकप्पा अब्भहियं राय-तेयलच्छीए दिप्पमाणा नीलग-पीतग-वसणा दुवे-दुवे रामकेसवा भायरो होत्था,
तं जहासंगहणी-गाहा
तिविठू य' 'दुविठू य, सयंभू पुरिसुत्तमे । पुरिससीहे तह पुरिसपुंडरीए दत्ते नारायणे ° कण्हे ॥१॥ अयले विजए भद्दे, सुप्पभे य सुदंसणे ।
आणंदे णंदणे पउमे, रामे यावि' अपच्छिमे ॥२॥ २४२. एतेसि णं णवण्हं बलदेव-वासुदेवाणं पुव्वभविया नव-नव नामधेज्जा होत्था, तं जहा--
विस्सभूई पव्वयए, धणदत्त समुद्ददत्त सेवाले। पियमित्त ललियमित्ते, पुणव्वसू गंगदत्ते य ॥१॥ एयाई नामाइं, पुव्वभवे आसि वासुदेवाणं । एत्तो बलदेवाणं, जहक्कम कित्तइस्सामि ।।२।। विसनंदी सुबंध य, सागरदत्ते असोगललिए य ।
वाराह धम्मसेणे, अपराइय रायललिए य ॥३॥ २४३. एतेसि णं नवण्हं वासुदेवाणं पुत्वभविया नव धम्मायरिया होत्था, तं जहा
संभूत सुभद्दे सुदंसणे, य सेयंसे कण्ह गंगदत्ते य । सागरसमुद्दनामे, दुमसेणे य णवमए ॥१॥
१. सुकय (वृपा)। २. विचित्त (ग)। ३. कोसेयज्ज° (ग)। ४. सं.to_तिविटठ य जाव कण्हे। ५. सं० पा०-अयले जाव रामे।
७. पियमेत्त (क); पियमित्ते (ग)। ८. पुम्ववियाए (क); पुव्वभवे (ग)। ६. संभूते (ख, ग)। १०. सुभद्द (ग)।
Jain Education International
For Private & Personal Use Only
www.jainelibrary.org
