________________
पइण्णगसमवाओ
२२६
"इच्चेतं दुवालसंगं गणिपिडगं पडुप्पण्णे काले परित्ता जीवा आणाए आराहेत्ता चाउरतं संसारकतारं विइवयंति। इच्चेतं दुवालसंगं गणिपिडगं अणागए काले अणंता जोवा आणाए आराहेत्ता
चाउरतं संसारकतारं विइव इस्संति ॥ १३३. दुवालसंगे णं गणिपिडगे ण कयाइ णासी, ण कयाइ पत्थि, ण कयाइ ण
भविस्सइ । भुवि च, भवति य, भविस्सति य । धुवे णितिए सासए अक्खए अव्वए अवट्ठिए णिच्चे ! से जहाणामए पंच अत्थिकाया ण कयाइ ण आसी, ण कयाइ णत्थि, ण कयाइ ण भविस्संति । भुवि च, भवंति य, भविस्संति य । धुवा णितिया 'सासया अक्खया अव्वया अवट्ठिया° णिच्चा। एवामेव दुवालसंगे गणिपिडगे ण कयाइ ण आसी, ण कयाइ णत्थि, ण कयाइ ण भविस्सइ । भुवि च, भवति य, भविस्सइ य' । 'धुवे णितिए सासए अक्खए
अब्बए ° अवट्ठिए णिच्चे ।। १३४. एत्थ णं दुवालसंगे गणिपिडगे अगंता भावा अणंता अभावा अणंता हेऊ अणता
अहेऊ अणंता कारणा अणंता अकारणा अणंता जीवा अणंता अजीवा अणंता भवसिद्धिया अणंता अभवसिद्धिया अणंता सिद्धा अणंता असिद्धा आधविज्जति पणविज्जति परूविज्जति दसिज्जति निदंसिज्जति उवदंसिज्जति ।।
रासि-पदं १३५. दुवे रासी पण्णत्ता, तं जहा--जीवरासी अजीवरासी य ।। १३६. अजीवरासी दुविहे पण्णते, तं जहा-'रूविअजीवरासी अरूविअजीवरासो' य॥ १३७. से कितं अरूविअजीवरासी?
अरूविअजीवरासी दसविहे पण्णत्ते, तं जहा-धम्मत्थिकाए', 'वम्मत्थिकायस्स देसे, धम्मत्थिकायस्स पदेसा, अधम्मत्थिकाए, अधम्मत्थिकायस्स देसे, अधम्मस्थिकायस्स पदेसा, आगासत्थिकाए, आगासत्थिकायस्स देसे, आगासत्थि
कायस्स पदेसा°, अद्धासमए । १३८. जाव'
१. सं० पा०-एवं पडुप्पण्णेवि अणागएवि। २. सं० पा०-णितिया जाव णिच्चा। ३. सं० पा०-भविस्सइ य जाव अट्टिए । ४. ० रासी य (क)। ५. रूबी० अरूवी० (ग)। ६. सं० पा०---धम्मस्थिकाए जाव अद्धासमए। ७. इह च प्रज्ञापनाया: प्रथमपदं प्रज्ञापनाख्यं सर्व
तदक्षरमध्येतव्यं, किमवसानमित्याह--'जाव से किं त' मित्यादि, केवलमस्य प्रज्ञापनासूत्रस्य चायं विशेषः, इह 'दुवे रासी पण्णत्ता' इत्यभिलापसूत्र तत्र तु 'दुविहा पण्णवणा पण्णत्ता-जीवपण्णवणा अजीवपण्णवणा य' त्ति (वृ)।
Jain Education International
For Private & Personal Use Only
www.jainelibrary.org
