Page Text
________________
६०५
समवाओ
१७. सब्वेवि णं णिसढ-नीलवंता वासहरपब्वया चत्तारि-चत्तारि जोयणसयाई उड्ढं
उच्चत्तेणं, चत्तारि-चत्तारि गाउयसयाइं उन्हेणं पण्णत्ता ।। सब्वेवि' णं वक्खारपव्वया णिसढ-नीलवंतवासहरपव्वयतेणं चत्तारि-चत्तारि
जोयणसयाइं उड़द उच्चत्तेणं, चत्तारि-चत्तारि गाउयसयाइं उन्हेणं पण्णत्ता ॥ १६. आणय-पाणएसु-दोसु कप्पेसु चत्तारि विमाणसया पण्णत्ता ।। २०. समणस्स णं भगवओ महावीरस्स चत्तारि सया वाईणं सदेवमणयासूरम्मि
लोगम्मि वाए अपराजियाणं उक्कोसिया वाइसंपया होत्था ।। २१. अजिते गं अरहा अद्धपंचमाइं धणुसयाइं उड्ढं उच्चत्तेणं होत्था । २२. सगरे ण राया चाउरंतचक्कवट्टी अद्धपंचमाइंधणुसयाई उड्ढे उच्चत्तेणं होत्था ।। २३. सव्वेवि णं वक्खारपव्वया सोया-सीतोयाओ महानईओ मंदरं वा पव्वयं पंच
पंच जोयणसयाई उड्ढं उच्चत्तेणं, पंच-पंच गाउयसयाइं उन्वेहेणं पण्णत्ता।। २४. सव्वेवि णं वासहरकूडा पंच-पंच जोयणसयाइं उड्ढं उच्चत्तेणं, मूले पंच-पंच
जोयणसयाई विक्खंभेणं पण्णत्ता ।। २५. उसभे णं अरहा कोसलिए पंच धणुसयाइं उड्ढं उच्चत्तेणं होत्था। २६. भरहे णं राया चाउरंतचक्कवट्टी पंच धणुसयाई उड्ढं उच्चत्तेणं होत्था ।। २७. सोमणस-गंधमादण-विज्जुप्पभ-मालवंता णं वक्खारपव्वया णं मंदरपव्वयंतेणं
पंच-पंच जोयणसयाई उड्ढं उच्चत्तेणं, पंच-पंच गाउयसयाई उव्वेहेणं
पण्णत्ता।। २८. सव्वेवि णं वक्खारपव्वयकूडा हरि-हरिस्सहकडवज्जा पंच-पंच जोयणसयाई
उडुढं उच्चत्तेण, मूले पंच-पंच जोयणसयाई आयामविक्खंभेणं पण्णत्ता ! २६. सव्वेवि णं नंदणकूडा बलकूडवज्जा पच-पंच जोयणसयाई उड्ढं उच्चत्तेणं,
मूले पंच-पंच जोयणसयाई आयामविक्खं भेणं पण्णत्ता ।। ३०. सोहम्मीसाणेसु कप्पेसु विमाणा पंच-पंच जोयणसयाइं उड्ढं उच्चत्तेणं पण्णत्ता ।। ३१. सणकुमार-माहिदेसु कप्पेसु विमाणा 'छ-छ'' जोयणसयाई उड्ढ उच्चत्तेणं
पण्णत्ता।। ३२. चुल्लहिमवंतकूडस्स णं उवरिल्लाओ चरिमंताओ चुल्लहिमवंतस्स वासहर
पव्वयस्स समे धरणितले, एस ण छ जोयणसयाइं अबाहाए अंतरे पण्णत्ते ॥ ३३. एवं सिहरीकूडस्सवि ॥ ३४. पासस्स णं अरहओ छ सया वाईणं सदेवमणुयासुरे लोए वाए अपराजिआणं
उक्कोसिया वाइसंपया होत्था ।।
१. सब्वेवि य (क, ग)। २. मंदिरेणं (क)।
३. छ (क, ग)। ४. उक्कोसं (क); उक्कोसा (ग)।
Jain Education International
For Private & Personal Use Only
www.jainelibrary.org
| SR No. | 003560 |
| Book Title | Agam 04 Ang 04 Samvayang Sutra Samvao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 267 |
| Language | Prakrit |
| Classification | Book_Devnagari, Agam, Canon, & agam_samvayang |
| File Size | 5 MB |