________________
६६४
समवाओ एगूणसत्तरिमो समवाओ १. समयखेत्ते णं मंदरवज्जा एगूणसत्तरि वासा वासधरपव्वया पण्णत्ता, तं जहा
पणतीसं वासा, तीसं वासहरा, चत्तारि उसुयारा ।। २. मंदरस्स पव्वयस्स पच्चस्थिमिल्लाओ चरिमंताओ गोयमदीवस्स पच्चथिमिल्ले
चरिमते, एस गं एगूणसत्तरि जोयणसहस्साइं अबाहाए अंतरे पण्णत्ते ।। ३. मोहणिज्जवज्जाण सत्तण्हं कम्मागं' एगूणसत्तरि उत्तरपगडीओ पण्णत्ताओ।
सत्तरिमो समवाओ १. समणे भगवं महावीरे वासाणं सवीसइराए मासे वोतिक्कते सत्तरिए राइदिएहिं
सेसेहिं वासावासं पज्जोसवेइ' ।। २. पासे णं अरहा पुरिसादाणोए सतरि वासाइं बहुपडिपुण्णाई सामण्णपरियागं
पाउणित्ता सिद्धे बुद्धे' "मुत्ते अंतगडे परिणिव्वुडे सव्वदुक्ख ° पहीणे ॥ ३. वासुपुज्जे णं अरहा सतरि धणूइं उड्ढं उच्चत्तेणं होत्था ।।। ४. मोहणिज्जस्स णं कम्मस्स सत्तरि सागरोवमकोडाकोडीओ अबाहूणिया कम्म
ठिई कम्मणिसेगे पण्णत्ते ।। ५. माहिदस्स णं देविदस्स देवरण्णो सतरं सामाणियसाहस्सीओ पण्णत्ताओ ।।
एक्कसत्तरिमो समवाओ १. चउत्थस्स णं चंदसंवच्छरस्स हेमंताणं एक्कसत्तरीए राइदिएहि वीइक्कतेहिं
सम्बबाहिराओ मंडलाओ सूरिए आउट्टि करेइ ।। २. 'वीरियप्पवायस्स णं" एक्कसरि पाहुडा पण्णत्ता ।। ३. अजिते णं अरहा एक्कसरि पुव्वसयसहस्साई अगारमझावसित्ता मुंडे
भवित्ता •णं अगाराओ अणगारिअं° पव्वइए ।। ४. सगरे णं राया चाउरंतचक्कवट्टी एक्कसत्तरि पुच सयसहस्साई अगारमझा
वसित्ता मुंडे भवित्ता णं अगाराओ अणगारिअं° पव्वइए ।।
१. कम्मपगडीणं (ख, ग)। २. कम्मप्पगडीतो (क)। ३. पज्जोसविए (क, ख, ग) 1 ४. स. पा०-बुद्धे जाव प्पहीणे। ५. एक्कसत्तरी (क); एक्कसत्तरीतेहिं (ग)। ६. वोरियपुवस्स णं पुव्वस्स (क,ख); वीरियप्प
वायस्स णं पुवस्स (क्व)। ७. मज्झे° (क, ख, ग)। ८. सं० पा०-भवित्ता जाव पव्वइए। ६. सं० पा०–एवं समरेवि राया चाउरंतचक्क
वट्टी एकसत्तरि पुब्व जाव पव्वइए।
Jain Education International
For Private & Personal Use Only
www.jainelibrary.org