________________
८५२
समवाओ
५. सोहम्मे कप्पे सुहम्माए सभाए माणवए चेइयक्खंभे हेट्टा उरि च अद्धतेरस
अद्धतेरस जोयणाणि वज्जेत्ता मज्झे पणतीस' जोयणेसु वइरामएमु गोलवट्ट
समुग्गएसु जिण-सकहाओ पण्णत्ताओ। ६. बितियचउत्थीसु-दोसु पुढवीसु पणतीसं निरयावाससयसहस्सा पण्णत्ता ।।
छत्तीसइमो समवाओ १. छत्तीसं उत्तरज्झयणा पण्णत्ता, तं जहा–विणयसुयं परीसहो' चाउरंगिज्जं
असंखयं अकाममरणिज्जं पुरिसविज्जा उरभिज्ज काविलिज्ज' नमिपव्वज्जा दुमपत्तयं बहुसुयपूया' हरिएसिज्जं चित्तसंभूयं उसुकारिज सभिक्खुगं समाहिठाणाई पावसमणिज्ज संजइज्जं मिगचारिया अणाहपज्जा समुद्दपालिज्जं रहनेमिज्ज गोयमकेसिज्ज समितीओ जण्णइज्ज सामायारी खलुकिज्ज मोक्खमम्गगई अप्पमाओ तवोमग्गो चरणविही पमायठाणाई कम्मपगडी लेसज्झयणं
अणगारमग्गे जीवाजीवविभत्ती य॥ २. चमरस्स णं असुरिंदस्स असुररण्णो सभा सुहम्मा छत्तोसं जोयणाई उड्ढं
उच्चत्तेणं होत्था॥ ३. समणस्स णं भगवओ महावीरस्स छत्तीसं अज्जाणं साहस्सीओ होत्था ।। ४. चेत्तासोएसु णं मासेसु सइ छत्तीसंगुलियं सूरिए पोरिसीछायं निव्वत्तइ ।।
सत्ततीसइमो समवाओ १. कुंथुस्स णं अरहओ 'सत्ततीसं गणा', सत्ततीसं गणहरा होत्था ।। २. हेमवयहेरण्णवइयाओ णं जीवाओ सत्ततीसं-सत्ततीसं जोयणसहस्साइं छच्च
चोवत्तरे' जोयणसए सोलसयएगूणवीसइभाए जोयणस्स किंचिविसेसूणाओ
आयामेणं पण्णत्ताओ। ३. सव्वासु णं विजय-वेजयंत-जयंत-अपराजियासु रायहाणीसु पागारा सत्ततीसं
सत्ततीसं जोयणाणि उड्ढं उच्चत्तेणं पण्णत्ता ॥ ४. खड्डियाए णं विमाणप्पविभत्तीए पढमे वग्गे सत्ततीसं उद्देसणकाला पण्णत्ता॥
-
-----
१. पणतीसाए (क)। २. परीसहा (क, ख); परीसह (ग)। ३. काविलियं (क्व)। ४. "पुज्जा (क, ख, ग)।
५. पण्णत्ता (क, ग)। ६. X (क)। ७. बोहत्तरे (ख); बावत्तरे (ग); चउसत्तरे (क्व)।
Jain Education International
For Private & Personal Use Only
www.jainelibrary.org