________________
चोतीसइमा समवाओ
८७६
३३. सेहे राइणियस्स आलवमाणस्स तत्थगते चिय पडिसुणित्ता भवइ
आसायणा सेहस्स। २. चमरस्स णं असुरिंदस्स असुररण्णो चमरचचाए रायहाणीए एक्कमेक्के वारे
तेत्तीस-तेत्तीसं भोमा पण्णत्ता ॥ ३. महाविदेहे णं वासे तेत्तीसं जोयणसहस्साइं साइरेगाइं विक्खंभेणं पण्णत्ते ॥ ४. जया णं सुरिए 'बाहिराणं अंतरं" तच्चं मंडलं उवसंकमित्ता णं चारं चरइ, तया
णं इहगयस्स पुरिसस्स तेत्तीसाए जोयणसहस्सेहिं किंचिविसेसूर्णेहिं चक्खुप्फासं
हव्वमागच्छइ।। ५. इमीसे णं रयप्पभाए पुढवीए अत्थेगइयाणं नेरइयाणं तेत्तीसं पलिओवमाई
ठिई पण्णत्ता। ६. अहेसत्तमाए पुढवीए काल-महाकाल-रोरुय-महारोरुएसु नेरइयाणं उक्कोसेणं
तेत्तीसं सागरोवमाइंठिई पण्णत्ता॥ ७. अप्पइदाणनए नेरइयाणं अजहण्णमणुक्कोसेणं तेत्तीसं सागरोवमाइं ठिई
पुण्णत्ता । ८. असुरकुमाराणं अत्थेगइयाणं देवाणं तेत्तीस पलिओवमाइं ठिई पण्णत्ता ॥ ६. सोहम्मीसाणेसु कप्पेसु अत्थेगइयाणं देवाणं तेत्तीसं पलिओवमाइं ठिई पण्णत्ता॥ १०. विजय-वेजयंत-जयंत-अपराजिएसु विमाणेसु उक्कोसेणं तेत्तीसं सागरोवमाई
ठिई पण्णत्ता ॥ ११. जे देवा सव्वट्ठसिद्धं महाविमाणं देवत्ताए उववण्णा, तेसि णं देवाणं
अजहण्णमणक्कोसेणं तेत्तीसं सागरोवमाइं ठिई पण्णत्ता ।। १२. ते णं देवा तेत्तीसाए अद्ध मासेहिं आणमंति वा पाणमति वा ऊससंति वा
नीससंति वा ॥ १३. तेसि णं देवाणं तेत्तीसाए वाससहस्सेहिं आहारटे समुप्पज्जइ ॥ १४. संतेगइया भवसिद्धिया जीवा, जे तेत्तीसाए भवग्गहणेहि सिज्झिस्संति'
'बुझिस्संति मुच्चिस्संति परिनिव्वाइस्संति° सव्वदुक्खाणमंतं करिस्संति ॥
चोत्तीसइमो समवाओ १. चोत्तीसं बुद्धाइसेसा पण्णत्ता, त जहा--१. अवट्ठिए केसमंसुरोमनहे ।
२. निरामया निरुवलेवा गायलट्ठो। ३. गोक्खीरपंडुरे मंससोणिए ।
१. इति खलू एनातो तेत्तीसं
(क, ख, ग)। २, मेक्क (ग)।
आसायणाओ ३. बाहिराण (क); वाहिराणंतर (क्व) ।
४. सं० पा०-सिभिस्संति जाव सव्वदुक्खाण
मंतं० 1
Jain Education International
For Private & Personal Use Only
www.jainelibrary.org
