________________
८५३
अट्ठारसमो समवाओ २०. तेसि णं देवाणं सत्तरसहि वाससहस्सेहिं आहारट्रे समुप्पज्जइ ॥ २१. संतेगइया भवसिद्धिया जीवा, जे सत्तरसहिं भवग्गहणेहि सिज्झिस्संति' 'बुज्झि
स्संति मुच्चिस्संति परिनिव्वाइस्संति ° सव्वदुक्खाणमंतं करिस्संति ।।
अट्ठारसमो समवाओ १. अट्ठारसविहे बंभे पण्णत्ते, तं जहा -ओरालिए कामभोगे णेव सयं मणेणं सेवइ',
नोवि अण्णं मणेणं सेवावेइ, मणेणं 'सेवंतं पि' अण्णं न समणुजाणाइ। ओरालिए कामभोगे णेव सयं वायाए सेवइ, नोवि अण्णं वायाए सेवावेइ, वायाए सेवंत पि अण्णं न समणुजाणाइ। ओरालिए कामभोगे णेव सयं कायेणं सेवइ, नोवि अण्णं कारणं सेवावेइ, काएणं सेवंतं पि अण्णं न समणुजाणाइ। दिव्वे कामभोगे णेव सयं मणेणं सेवइ, नोवि अण्णं मणेणं सेवावेइ, मणेणं सेवंतं पि अण्ण न समणुजाणाइ। दिव्वे कामभोगे णेव सयं वायाए सेवइ, नोवि अण्णं वायाए सेवावेइ, वायाए सेवंतं पि अण्णं न समणुजाणाई। दिव्वे कामभोगे णेव सयं कारणं सेवइ, नोवि अण्णं कारणं सेवावेइ, कारणं
सेवंतं पि अण्णं न समणुजाणाइ॥ २. अरहतो णं अरिट्टनेमिस्स अट्ठारस समणसाहस्सीओ उक्कोसिया समणसंपया
होत्था ॥ ३. समणेणं भगवया महावीरेणं समणाणं णिग्गंथाणं सखड्डयविअत्ताणं अट्ठारस ठाणा
पण्णत्ता,तं जहा---- संगहणी-गाहा
वयछक्क कायछक्कं, अकप्पो गिहिभायणं ।
पलियंक निसिज्जा य, सिणाणं सोभवज्जणं ।।१।। ४. आयारस्स णं भगवतो सचूलिआगस्स अट्ठारस पयसहस्साइं पयग्गेणं पण्णत्ताई।। ५. बंभीए लिवीए५ अटारसविहे लेखविहाणे पण्णत्ते, तं जहा-१. बंभी
२. जवणालिया' ३. दोसऊरिया ४. खरोट्ठिया ५. खरसाहिया ६. पहाराइया
१. सं० पा०-सिभिस्संति जाव सव्वदुक्खाण। ५. भाएणं विबीए (क); बंभए णं लिविए (ग)। २. सेवेइ (क, ख)।
६. जवणाभिलिया (ख)। ३. सेवते पि (ख); सेवंते वि (ग) । ७. दासऊरिया (क); दसाऊरिया (ग) 1 ४. जाणइ (ख, ग)।
८. पुक्करसाविया (क)।
Jain Education International
For Private & Personal Use Only
www.jainelibrary.org