________________
च उद्दसमो समवाओ
CYG
सच्चप्पवायपुत्वं, तत्तो आयप्पवायपुव्वं च । कम्मप्पवायपुव्वं, पच्चक्खाणं भवे नवमं ॥२॥ विज्जाअणुप्पवायं, अबंझपाणाउ बारसं पुव्वं ।
तत्तो किरियविसाल, पुव्वं तह बिंदुसारं च ॥३॥ ३. अग्गेणीअस्स णं पुव्वस्स च उद्दस वत्थू पण्णत्ता । ४. समणस्स णं भगवओ महावीरस्स चउद्दस समणसाहस्सोओ उक्कोसिआ समण
संपया होत्था । कम्मविसोहिमग्गणं पडुच्च च उद्दस जीवट्ठाणा पण्णत्ता, तं जहा--मिच्छदिट्ठी, सासायणसम्मदिट्ठी, सम्मामिच्छदिट्ठी, अविरयसम्मदिट्ठी, विरयाविरए', पमत्तसंजए, अप्पमत्तसंजए, नियट्टिवायरे, अनियट्टिबायरे, सुहुमसंपराए --उवसमए
वा खवर वा, उवसंतमोहे, खोणमोहे, सजोगी केवली, अजोगी केवली ।।। ६. भरहेरवयाओ णं जीवाओ चउद्दस-च उद्दस जोयणसहस्साई चत्तारि य एगुत्तरे
जोयणसए छच्च एकूणवीसे भागे जोयणस्स आयामेणं पण्णत्ताओ॥ ७. एगमेगस्स णं रण्णो चाउरंतचक्कवट्टिस्स चउद्दस रयणा पण्णत्ता, तं जहा
इत्थीरयणे सेणावइरयणे गाहावइरयणे पुरोहियरयणे वड्ढइरयणे आसरयणे हत्थिरयणे असिरयणे दंडरयणे चक्करयणे छत्तरयणे चम्मरयणे मणिरयणे
कागिणिरयणे । ८. जंबुद्दीवे णं दीवे चउद्दस महानईओ पुव्वावरेणं लवणसमुदं समप्पेंति', तं जहा-- ___ गंगा सिंधू रोहिआ रोहिअंसा हरी हरिकता सीआ सीओदा नरकंता नारिकता
सवण्णकला रुप्पकला रत्ता रत्तवई 11 ६. इमोसे ण रयणप्पभाए पुढवीए अत्थेगइयाणं नेरइयाणं चउद्दस पलिओवभाई
ठिई पण्णत्ता !! १०. पंचमाए णं पुढवीए अत्थेगइयाणं नेरइयाणं च उद्दस सागरोवमाइं ठिई पण्णत्ता ।। ११. असुरकुमाराणं देवाणं अत्थेगइयाणं च उद्दस पलिओवमाई ठिई पण्णत्ता ।। १२. सोहम्मीसाणेसु कप्पेसु अत्थेगइयाणं देवाणं चउद्दस पलिओवमाइं ठिई पण्णता ।। १३. लंतए कप्पे देवाणं उक्कोसेणं चउद्दस सागरोवमाइं ठिई पग्णत्ता ।। १४. महासक्के कप्पे देवाणं जहण्णेणं चउद्दस सागरोवमाई ठिई पण्णत्ता ।।
जे देवा सिरिकंतं सिरिमहियं सिरिसोमनसंलंतयं काविट महिंदं महिंदोकतं" महिंदुत्तरवडेंसगं विमाणं देवत्ताए उववण्णा, तेसि णं देवाणं उक्कोसेणं चउद्दस
सागरोवमाई ठिई पण्णत्ता ।। १. विरयाविरयसम्मदिट्टी (क, ख, ग)। ४. समुप्पेंति (ग)। २. उवसामए (क)।
५. महिंदकतं (क्व)। ३. खमए (ग)।
Jain Education International
For Private & Personal Use Only
www.jainelibrary.org
