________________
दसमं ठाणं
८१७
पुत्त-पदं १३७. दस पुत्ता पण्णता, तं जहा–अत्तए, खेत्तए, दिण्णए, विष्णए, उरसे, मोहरे,
सोंडोरे, संवुड्ढे, उवयाइते, धम्मतेवासी । अणुत्तर-पदं १३८. केवलिस्स णं दस अणुत्तरा पण्णत्ता, तं जहा--अणुत्तरे गाणे, अणुत्तरे दसणे,
अणुत्तरे चरित्ते, अणुत्तरे तवे, अणुत्तरे वीरिए, अणुत्तरा खंती, अमुत्तरा मुत्ती,
अणुत्तरे अज्जवे, अणुत्तरे मद्दवे, अणुत्तरे लाघवे ।। कुरा-पदं १३६. समयखेत्ते णं दस कुराओ पण्णत्ताओ, तं जहा-पंच देवकुराओ पंच
उत्तरकुराओ। तत्थ णं दस महतिमहालया महादुमा पण्णता, तं जहा-जम्बू सुदंसणा, धायइरुक्खे, महाधायइरुक्खे, पउमरुकवे, महाप उमरुक्षे, पंच कडसामलोओ। तत्थ णं दस देवा महिड्डिया जाव' परिवसंति, तं जहा-अणाढिते जंबुद्दीवा
धिपती, सुदंसणे, पियदंसणे, पोंडरीए, महापोंडरीए, पंच गरुला वेणुदेवा ।। दुस्समा-लक्खण-पदं १४०. दसहि ठाणेहि ओगाढं दुस्समं जाणेज्जा, तं जहा-अकाले वरिसइ, काले ण
वरिसइ, असाहू पूइज्जति, साहू ण पूइज्जति, गुरुसु जणो मिच्छं पडिवण्णो, अमणुण्णा सद्दा', 'अमणुण्णा रूवा, अमणुण्णा गंधा, अमणुण्णा रसा,
अमणुण्णा ° फासा ।। सुसमा-लक्खण-पदं १४१. दसहि ठाणेहिं ओगाढं सुसमं जाणेज्जा, तं जहा-अकाले ण वरिसति, "काले
वरिसति, असाहू ण पूइज्जति, साहू पूइज्जति, गुरुसु जणो सम्म पडिवण्णो,
मणुण्णा सद्दा, मणुण्णा रूवा, मणुण्णा गंधा, मणुण्णा रसा,° मणुण्णा फासा ।। रुक्ख-पदं १४२. सुसमसुसमाए णं समाए दसविहा रुक्खा उवभोगत्ताए हव्वमागच्छंति, तं जहा--
१. सोडीरे (क, ख, ग)। २. उववातिते (ग)। ३. ठा० २।२७१। ४, साहु (ग)।
५. सं० पा०-अमणुण्णा सहा जाव कासा । ६. सं० पा०–त चेव 'विवरीत जाव मणुष्णा
फासा।
Jain Education International
For Private & Personal Use Only
www.jainelibrary.org
