________________
८१०
ठाणं
संगह-सिलोगो
इच्छा मिच्छा तहक्कारो, आवस्सिया' य णिसीहिया । आपुच्छणा य पडिपुच्छा, छेदणा य णिमतणा !
उवसंपया य काले, सामायारी दसविहा उ ।।१।। महावीर-सुमिण-पदं १०३. समणे भगवं महावीरे छउमत्थकालियाए अंतिमराइयंसी इमे दस महासुमिणे
पासित्ता णं पडिबुद्धे, तं जहा१. एगं च णं 'महं घोररूवदित्तधर तालपिसायं सुमिणे पराजितं पासित्ता णं पडिबुद्धे। २. एगं च णं महं सुक्किलपक्खगं पुसकोइलगं सुमिणे पासित्ता णं पडिबुद्धे । ३. एगं च णं मह चित्तविचित्तपक्खगं पुंसकोइलं' सुविणे पासित्ता णं पडिबुद्धे । ४. एगं च णं महं दामदुगं सव्व रयणामयं सुमिणे पासित्ता णं पडिबुद्धे । ५. एगं च णं महं सेतं गोवग्गं सुमिणे पासित्ता णं पडिबुद्धे। ६. एगं च णं महं पउमसरं सव्वओ समंता कुसुमितं सुमिणे पासित्ता णं पडिबुद्धे। ७. एगं च णं महं सागरं उम्मी-वीची-सहस्सकलितं भुयाहिं तिण्णं सुमिणे पासित्ता णं पडिबुद्धे। ८. एगं च णं महं दिणयरं तेयसा जलंतं सुमिणे पासित्ता गं पडिबुद्धे । है. एग' च णं महं हरि-वेरुलिय-वण्णाभेणं णियएणमंतेणं माणुसुत्तरं पव्वतं सव्वतो समता आवेढियं परिवेढियं सुमिणे पासित्ता णं पडिबुद्धे । १०. एगं च ण महं मंदरे पन्वते मंदरचूलियाए उरि सीहासणवरगयमत्ताणं सुमिणे पासित्ता णं पडिबुद्धे । १. जगणं समणे भगवं महावीरे एगं च णं महं घोररूवदित्तधरं सालपिसायं समिणे पराजितं पासित्ता णं पडिबुद्धे, तण्णं समणेणं भगवता महावीरेणं मोहणिज्जे कम्मे मूलओ उग्घाइते । २. जण्णं समणे भगवं महावीरे एगं च णं महं सुक्किलपक्खग' 'पुंसकोइलगं सुमिणे पासित्ता ण° पडिबुद्धे, तण्णं समणे भगवं महावीरे सुक्कज्झाणोवगए विहरइ।
१. आवस्सिती (क)। २. सामायारी भवे (क, ग)। ३. महाघोररूवदित्तधर (क, ख, ग, वृ)। ४. पूस० (क, ख, ग)।
५. उम्मीसहस्स ° (वृपा)। ६. एगेण (वृ); एग (वृषा)। ७. सं० पा०–सुक्किलपक्खगं जाव पडिबुद्धे ।
Jain Education International
For Private & Personal Use Only
www.jainelibrary.org
