________________
दसमं ठाणं लोगठिति-पदं १. दसविधा लोगट्टिती पण्णत्ता, तं जहा
१. जण्णं जीवा उद्दाइत्ता-उद्दाइत्ता तत्थेव-तत्थेव भुज्जो-भुज्जो पच्चायंति-- एवंप्पेगा' लोगद्विती पण्णत्ता। २. जण्णं जीवाणं सया समितं पावे कम्मे कज्जति–एवंप्पेगा लोगट्रिती पण्णत्ता। ३. जण्णं जीवाणं सया समितं मोहणिज्जे पावे कम्मे कज्जति-एवंप्पेगा लोगद्विती पण्णत्ता। ४. ण एवं भूतं वा भव्वं वा भविस्सति वा जं जीवा अजीवा भविस्संति, अजीवा वा जीवा भविस्संति एवंप्पेगा लोगद्विती पण्णत्ता । ५. ण एवं भूतं वा भव्वं वा भविस्सति वा जं तसा पाणा वोच्छिज्जिस्संति 'थावरा पाणा भविस्संति", थावरा पाणा वोच्छिज्जिस्संति तसा पाणा भविस्संति-एवंप्पेगा लोगट्ठिती पण्णत्ता। ६. ण एवं भूतं वा भव्वं वा भविस्सति वा जं लोगे अलोगे भविस्सति, अलोगे वा लोगे भविस्सति-एवंप्पेगा लोग ट्ठिती पण्णत्ता। ७. ण एवं भूतं वा भव्वं वा भविस्सति वा जं लोए अलोए पविस्सति, अलोए वा लोए पविस्सति–एवंप्पेगा लोगट्टिती पण्णत्ता । ८. जाव ताव लोगे ताव ताव जीवा, 'जाव ताव" जीवा ताव ताव लोएएवंप्पेगा लोगट्टिती पण्णत्ता।
१. एवं एगा (क, ख, ग, वृपा)। २. समिते (क, ग)। ३,४. एतं (क, ख, ग)। ५.४ (क्व)।
६. इह यावज्जीवास्तावत्तावल्लोको, यावति क्षेत्रे
जीवास्तावत्क्षेत्र लोक इति भावार्थः, 'जाव तावे' त्यादिवाक्यरचना तु भाषामात्रम् (व)।
७६५
Jain Education International
For Private & Personal Use Only
www.jainelibrary.org
