Page Text
________________
नवमं ठाणं
रयणप्पभाए पुढवीए सीमंतए णरए चउरासीतिवाससहस्सद्वितीयंसि' रियसि णेरइयत्ताए उववज्जिहिति । से गंणं तत्थ णेरइए भविस्सति — काले कालोभासे गंभीरलोमहरिसे भीमे उत्तासणए परमकिण्हे वण्णेणं । सेणं तत्थ वेयणं वेदिहिती उज्जलं' 'तिउलं" पगाढं कडुयं कक्कसं चंडं दुक्खं दुग्गं दिव्वं दुरहियासं ।
सेणं ततो णरयाओं उब्वट्टेत्ता आगमेसाए उस्सप्पिणीए इहेव जंबुद्दीवे दीवे भर वासे वेयड्ढगिरिपायमूले पुंडेसु जणवएस सतदुवारे नगरे संमुइस्स कुलकरस्स भद्दा भारियाए कुच्छिसि पुमत्ताए पच्चायाहिति ।
तणं सा भद्दा भारिया णवण्हं मासाणं बहुपडिपुण्णाणं अद्धट्टमाण य राइदियाणं वोतिक्कंताणं सुकुमालपाणिपायं अहीण पडिपुण्ण पंचिदिय- सरीरं लक्खण-वंजण'- गुणोववेयं माणुम्माण - प्पमाण- पडिपुण्ण-सुजाय सब्बंग सुंदरंग ससिसोमाकारं कंतं पियदंसणं सुरूवं दारगं पयाहिती। जं रर्याणि च णं से दारए पयाहिती, तं रर्याणि च णं सतदुवारे नगरे सम्भंत रबाहिरए भारग्गसो कुंभग्गसोय पउमवासे य रयणवासे य वासे वासिहिति ।
Jain Education International
तए णं तस्स दारयस्स अम्मापियरो एक्कारसमे दिवसे वोइक्कते' 'णिवत्ते असुइजायकम्मकरणे संपत्ते बारसाहे" अयमेयारूवं गोण्णं गुणणिष्फणं णामधिज्जं काहिति जम्हा णं अम्हमिमंसि दारगंसि जातंसि समाणंसि सयदुवारे गरे सभितरवाहिरए भारग्गसो य कुंभग्गसो य पउमवासे य रयणवासे य वासे बुट्टे, तं होउ णमम्ह मिमस्स दारगस्स णामधिज्जं महापउमे महापउने । तए णं तस्स दारगस्स अम्मापियरो णामधिज्जं काहिति महापउमेत्ति । तए णं महापउमं दारगं अम्मापितरो सातिरेगं अट्ठवासजातगं जाणित्ता महतामहता रायाभिसेएणं अभिसिंचिहिति । से णं तत्थ राया भविस्सति महताहिमवंत-महंत मलय-मंदर-महिंदसारे रायवण्णओ जाव" रज्जं पसासेमाणे विहरिस्सति ।
१. ° स्थितिषु (वृ ) ।
२. निरयंसि णेरइएस (क, ग ) ; नरकेषु (वृ ) 1 ३. सं० पा० - कालोभासे जाव परमकिण्हे ।
४. स० पा० – उज्जलं जाव दुरहियासं । ५. विउलं (वृपा) ।
६. णरतात ( क, ख, ग ) 1
७. ० पातं (क, ख, ग ) 1
८. सं० पा०-- वंजण जाव सुरूवं ।
६. सं० पा०-- बीइक्कते जाव बारसाहे ।
Q
७८७
१०. बारसाहे दिवसे ( क, ख, ग ); बारसाहदिवसेत्ति द्वादशानां पूरणो द्वादशः स एवाख्या यस्य स द्वादशाख्यः स चासौ दिवसश्चेति विग्रहः, अथवा द्वादशं च तदहश्च द्वादशाहस्तन्नामको दिवसो द्वादशाहदिवस इति (वृ); द्रष्टव्यं औपपातिक सूत्र १४४ 'बारसाहे' पाठस्य पादटिप्पणम् । ११. ओ० सू० १४
For Private & Personal Use Only
www.jainelibrary.org
| SR No. | 003559 |
| Book Title | Agam 03 Ang 03 Sthanang Sutra Thanam Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 472 |
| Language | Prakrit |
| Classification | Book_Devnagari, Agam, Canon, & agam_sthanang |
| File Size | 8 MB |