________________
णवमं ठाण
७८१
महाणिहि-पदं २१. एगमेगे णं महाणिधी णव-णव जोयणाई विखंभेणं पण्णत्ते ।। २२. एगमेगस्स णं रण्णो चाउरतचक्कवट्टिस्स णव महाणिहिओ [णो ?] पण्णत्ता,
तं जहा-- संगहणी-गाहा
णेसप्पे पंडुयए, पिंगलए सव्वरयण महापउमे । काले य महाकाले, माणवग महाणिही संखे ॥१॥
सप्पंमि णिवेसा, गामागरणगर-पट्टणाणं च। दोणमुह-मडंबाणं, खंधाराणं गिहाणं च ।।२।। गणियस्स य बीयाणं, माणम्माणस्स जं पमाणं च । धण्णस्स य बीयाणं, उप्पत्ती पंडुए भणिया ॥३॥ सव्वा आभरणविही, पुरिसाणं जा य होइ महिलाणं । आसाण य हत्थोण य, पिंगलगणिहिम्मि सा भणिया ॥४॥ रयणाइं सव्वरयणे, चोद्दस पवराई चक्कवट्टिस्स । उपज्जंति एगिदियाई, पंचिदियाइं
च ॥५॥ वत्थाण य उप्पत्ती, णिप्फत्ती चेव सव्व भत्तीणं । रंगाण य धोयाण य, सब्बा एसा महापउमे ॥६॥ काले कालण्णाणं, भव्व पुराणं च तीसू वासेसू । सिप्पसतं कम्माणि य, तिणि पयाए हियकराई ।।७।। लोहस्स य उप्पत्ती, होइ महाकाले आगराणं च । रुप्पस्स सुवण्णस्स य, मणि-मोत्ति-सिल-प्पवालाणं ॥८॥ जोधाण य उत्पत्ती, आवरणाणं च पहरणाणं च। सव्वा य जुद्धनीती, माणवए दंडणीतो य॥६॥ गट्टविही णाडगविही, कव्वस्स चउब्विहस्स उप्पत्ती। संखे महाणिहिम्मी, तुडियंगाणं च सव्वेसि ॥१०॥ चक्कट्ठपइट्ठाणा, अठुस्सेहा य णव य विक्खंभे । बारसदीहा मंजूस- संठिया जलवीए' मुहे ॥११॥ वेरूलियमणि-कवाडा, कणगमया विविध-रयण-पडिपुण्णा । ससि-सूर-चक्क-लक्खण-अणुसम-जुग-बाहु-वयणा य ॥१२।।
३. जह्नवीइ (क, ग)।
१. धोयाणं (क); धोवाण (ख)। २. x (क)।
Jain Education International
For Private & Personal Use Only
www.jainelibrary.org
