________________
७७५
अटुमं ठाणं
३. णवाणं' कम्माणं संजमेणमकरणताए अब्भुट्ठयव्वं भवति । ४. पोराणाणं कम्माणं तवसा विगिचणताए विसोहणताए अब्भुद्वैतव्वं भवति । ५. असंगिहीतपरिजणस्स' संगिण्हणताए अब्भुटेयव्वं भवति । ६. सेहं आयारगोयरं गाहणताए अब्भुट्टेयव्वं भवति ।। ७. गिलाणस्स अगिलाए वेयावच्चकरणताए अन्भुट्टेयव्वं भवति । ८. साहम्मियाणमधिकरणंसि उप्पण्णंसि तत्थ अणिस्सितोवस्सितो अपक्खग्गाही मज्झत्थभावभूते कह णु साहम्मिया अप्पसद्दा अप्पझंझा अप्पतुमंतुमा ?
उक्सामणताए अब्भुट्टेयव्वं भवति ।। विमाण-पदं ११२. महासुक्क-सहस्सारेसु णं कप्पेसु विभाणा अट्ठ जोयणसताई उड्ढं उच्चत्तेणं
पण्णत्ता ।। वादि-पदं ११३. अरहतो णं अरिट्ठणेमिस्स अट्ठसया वादोणं सदेवमणुयासुराए परिसाए वादे
अपराजिताणं उक्कोसिया वादिसंपया हुत्था । केवलिसमुग्घात-पदं ११४. अट्ठसमइए केवलिसमुग्धाते पण्णत्ते, तं जहा-पढमे समए दंडं करेति, बीए
समए कवाडं करेति, ततिए समए मंथं करेति, चउत्थे समए लोगं पूरेति, पंचमे समए लोग पडिसाहरति, छटे समए मंथ' पडिसाहरति, सत्तमे समए कवाडं
पडिसाहरति, अट्ठमे समए दंडं पडिसाहरति ।। अणुत्तरोववाइय-पदं ११५. समणस्स णं भगवतो महावीरस्स अट्ठ सया अणुत्तरोववाइयाणं गतिकल्लाणाणं
"ठितिकल्लाणाणं' आगमेसिभद्दाणं उक्कोसिया अणुत्तरोववाइयसंपया
हुत्था ।। वाणमंतर-पदं ११६. अट्ठविधा वाणमंतरा देवा पण्णत्ता, तं जहा--पिसाया, भूता, जक्खा, रक्खसा,
किण्णरा, किंपुरिसा, महोरगा, गंधव्वा ।।। ११७. एतेसि णं अट्ठविहाणं वाणमंतरदेवाणं अट्ठ चेइयरुक्खा पण्णत्ता, तं जहा---
१. पावाणं (क्व)।
४. मंथानं (ख)। २. °परितणस्स (क, ग); ° परियणतस्स ५. मंथु (क, ग)।
६. सं० पा०--गतिकल्लाणाणं जाव आगमे । ३. समतिते (क, ख, ग)।
www.jainelibrary.org
For Private & Personal Use Only
Jain Education International
