________________
७७२
ठाणं सिद्धे य रुप्पि रम्मग, णरकता बुद्धि' रुप्पकूडे य ।
हिरण्णवते मणिकंचणे, य रुप्पिम्मि कूडा उ ॥१॥ ६५. जंबुद्दीवे दोवे मंदरस्स पव्वयस्स पुरथिमे णं रुयगवरे पव्वले अट्ठ कूडा पण्णत्ता, तं जहा--
रिटे तवणिज्ज कंचण, रयत दिसासोत्थिते पलंबे य ।
अंजणे अंजणपुलए, रुयगस्स पुरथिमे कूडा ॥१॥ तत्थ णं अट्ट दिसाकुमारिमहत्तरियाओ महिड्डियाओ जाव' पलिओवमद्वितीयाओ परिवसंति, तं जहा
णंदुत्तरा य णंदा, आणंदा णदिवद्धणा।
विजया य वेजयंतो, जयंती अपराजिया ।।२।। ६६. जंबुद्दीवे दोवे मंदरस्स पव्वयस्स दाहिणे णं रुयगवरे पन्वते अट्ठ कूडा पण्णत्ता, तं जहा
कणए कंचणे पउमे, णलिणे ससि दिवायरे चैव ।
वेसमणे वेरुलिए, रुयगस्स उदाहिणे कडा ॥२॥ तत्थ णं अट्ठ दिसाकुमारिमहत्तरियाओ महिड्डियाओ जाव पलिओवमद्वितीयाओ परिवसंति, तं जहा
समाहारा सुप्पतिण्णा, सुप्पबुद्धा' जसोहरा।
लच्छिवती सेसवती, चित्तगुत्ता वसुंधरा ॥२॥ ६७. जंबुद्दीवे दीवे मंदरस्स पव्वयस्स पच्चत्थिमे णं रुयगवरे पन्वते अट्ठ कूडा पण्णत्ता, तें जहा -..
सोत्थिते य अमोहे य, हिमवं मंदरे तहा।
रुअगे रुयगुत्तमे चंदे, अट्ठमे य सुदंसणे ।।१।। तत्थ णं अट्ठ दिसाकुमारिमहत्तरियाओ महिड्डियाओ जाव पलिओवमट्टितीयाओ परिवसंति, तं जहा---
इलादेवी सुरादेवी, पुढवी पउमावती।
एगणासा' णवमिया, सीता भद्दा य अट्ठमा ॥२॥ ६८. जंबुद्दीवे दीवे मंदरस्स पव्वयस्स उत्तरे णं रुअगवरे पन्वते अट्ठ कूडा पण्णत्ता, तं जहा
रयण-रयणुच्चए या', सव्वरयण रयणसंचए चेव । विजये य वेजयंते, जयंते अपराजिते ॥१॥
१. मुट्ठि (क, ग)। २. ठा० २१२७१ । ३. सुपबुद्धा (क, ग); सुपवई (ख) ।
४. रुतगुत्तमे (क, ख, ग)। ५. एगानासा (क, ख)। ६. ता (क, ख, ग)।
Jain Education International
For Private & Personal Use Only
www.jainelibrary.org
